கருணாநிதியை சந்தித்தார் ராமதாஸ்

சென்னை:

திமுக தலைவர் கருணாநிதியைப் பாட்டாளி மக்கள் கட்சி நிறுவனர் டாக்டர் ராமதாஸ் சந்தித்துப் பேசினார்.

கருணாநிதியின் கோபாலபுரம் வீட்டில் இந்த சந்திப்பு சுமார் அரை மணி நேரம் நீடித்தது. அப்போது, பொங்கு தமிழ்வளர்ச்சி என்ற அமைப்பின் சார்பில் டிசம்பர் 17 மற்றும் 18 ஆகிய தேதிகளில் சென்னையில் நடைபெறவுள்ளதமிழ் இசை விழாவைத் தொடங்கி வைக்குமாறு கருணாநிதியை ராமதாஸ் கேட்டுக் கொண்டார்.

அதற்கு கருணாநிதியும் ஒப்புதல் அளித்தார். இந்த அமைப்பின் நிறுவனர் மற்றும் தலைவராக ராமதாஸ் இருப்பதுகுறிப்பிடத்தக்கது.

ராமதாஸுடன், பாமக தலைவர் ஜி.கே.மணியும் உடன் வந்திருந்தார். சந்திப்பின்போது அரசியல் பேசப்படவில்லைஎன்று பாமக தலைவர் மணி பின்னர் செய்தியாளர்களிடம் தெரிவித்தார்.