ஆண்டிப்பட்டியில் மருத்துவக் கல்லூரி: அரசு திட்டம்

தேனி:

முதல்வர் ஜெயலலிதாவின் சட்டசபைத் தொகுதியான ஆண்டிப்பட்டியில் விரைவில் மருத்துவக் கல்லூரி ஆரம்பிக்கப்படும் என சுகாதாரத் துறை அமைச்சர் தளவாய் சுந்தரம் கூறினார்.

ஆண்டிப்பட்டியில் அரசு சார்பில் நடந்த மருத்துவ முகாமைத் தொடங்கி வைத்து அவர் பேசுகையில், தேனி மாவட்டம் ஆண்டிப்பட்டி சட்டசபைத் தொகுதியில் ஏழை மக்களுக்காக மேலும் 8 முகாம்களை நடத்த உத்தரவிடப்பட்டுள்ளது.

தேனி மாவட்ட மாணவ, மாணவியரின் வசதிக்காக இங்கு மருத்துவக் கல்லூரி அமைக்கவும் அரசு முடிவு செய்துள்ளது.

வரும் கல்வியாண்டிலேயே இங்கு மருத்துவக் கல்லூரி செயல்பட ஆரம்பித்துவிடும் என்றார்.