தமிழகத்தில் மத மாற்றம் தொடர்கிறது: வி.எச்.பி.

சென்னை:

கட்டாய மத மாற்றத் தடைச் சட்டம் தமிழகத்தில் அமலில் உள்ள நிலையிலும், இன்னும் மத மாற்றம் நடந்து வருவதாக விஸ்வ இந்து பரிஷத் மத்திய செயலாளர் மோகன் ஜோஷி கூறினார்.

சென்னையில் செய்தியாளர்களிடம் பேசிய அவர், தமிழகத்தில் கட்டாய மத மாற்றத் தடுப்புச் சட்டம் அமலில் இருந்தாலும் கூட, வழக்கம் போல மதமாற்றங்கள் நடந்து கொண்டுதான் உள்ளன. பத்திரிக்கைகள், அரசு நிர்வாகம், காவல்துறையினருக்குத் தெரியாமல் மிகவும் ரகசியமாக இவை நடத்தப்படுகின்றன.

ஏழை மக்களுக்கு பல்வேறு ஆசைகளைக் காட்டி அவர்களை மதம் மாற்றி வருகிறார்கள். எனவே கட்டாய மத மாற்றத் தடை சட்டத்தை தமிழகம் மட்டுமல்லாது, இந்தியா முழுவதிலும் கொண்டு வந்து தீவிரமாக அமல்படுத்தும் வகையில் மத்திய அரசு நடவடிக்கை எடுக்க வேண்டும் என்றார்.