பத்திரிக்கை அலுவலக கட்டடம் இடிந்து 2 பேர் சாவு

சென்னை:

சென்னை அண்ணா சாலையில் உள்ள இந்தியன் எக்ஸ்பிரஸ் அலுவலக வளாகத்தில் உள்ள பழைய கட்டடம்இடிந்து 2 கூலித் தொழிலாளர்கள் பரிதாபமாக இறந்தனர்.

சென்னை அண்ணா சாலையில், இந்தியன் எக்ஸ்பிரஸ், தினமணி, சினிமா எக்ஸ்பிரஸ் ஆகிய பத்திரிகைஅலுவலகங்கள் அடங்கிய எக்ஸ்பிரஸ் எஸ்டேட்ஸ் வளாகம் உள்ளது.

இங்குள்ள மிகவும் பழமையான ஒரு கட்டடத்தில் சினிமா சூட்டிங்குகள் நடந்து வந்தன.

இக் கட்டடம் மிகவும் பாழடைந்துவிட்டதால் அதை இடிக்கும் பணி நடந்து வருகிறது. இந்தப் பணியில் சில கூலித்தொழிலாளர்கள் ஈடுபட்டிருந்தனர். அப்போது எதிர்பாராதவிதமாக கட்டிடம் இடிந்து விழுந்தது.

இதில், 2 கூலித் தொழிலாளர்கள் சிக்கிக் கொண்டனர். இருவரும் உடல் நசுங்கி இறந்தனர். இறந்த இருவரும்விழுப்புரத்தைச் சேர்ந்தவர்கள் என போலீஸார் தெரிவித்தனர்.