சான்பிரான்சிஸ்கோ மாகாண அட்டர்னி தேர்தலில் தமிழ்ப் பெண் வெற்றி

சான்பிரான்சிஸ்கோ:

அமெரிக்காவின் முதல் இந்திய வம்சாவளியைச் சேர்ந்த அட்டர்னி என்ற பெருமையை சான்பிரான்சிஸ்கோமாகாண அட்டர்னி தேர்தலில் வென்றுள்ள தமிழ்ப் பெண்ணான கமலா ஹாரிஸ் அடைந்திருக்கிறார்.

கமலாவிற்கு 56 சதவீத ஓட்டுக்களும், அவரை எதிர்த்துப் போட்டியிட்ட ஹல்லினனுக்கு 44 சதவீத ஓட்டுக்களும்கிடைத்துள்ளன.

39 வயதான கமலாவின் தாயார் சியாமளா ஹாரிஸ் தமிழ் பிராமணக் குடும்பத்தைச் சேர்ந்தவர். இவர்கரீபிய-அமெரிக்க கலப்பினத்தவரான ஹாரிஸைக் காதலித்து மணந்து கொண்டார்.

இந்த தம்பதிக்கு இரண்டு பெண் குழந்தைகள். அதில் ஒருவர்தான் கமலா. ஆக்லாந்தில் பிறந்த கமலா பெர்க்லியில்வளர்ந்தார்.

இப்போது சான்பிரான்சிஸ்கோ நகர அட்டர்னியாக தேர்வாகி அமெரிக்க வரலாற்றின் இடம் பிடித்திருக்கிறார்.சமீபத்தில் சான்பிரான்சிஸ்கோ எக்ஸாமினர் என்ற நாளிதழுக்கு அளித்துள்ள பேட்டியில்,

நான் எனது தாயின் இந்தியக் கலாச்சாரப்படி வளர்க்கப்பட்டேன். தந்தையின் கறுப்பினத்தவரின் சூழலில்வாழ்ந்தேன். எனது நண்பர்கள் யாவரும் கறுப்பினத்தைச் சார்ந்தவர்கள்தான்.

நாங்கள் ஒன்றாகக் கூடும்போதெல்லாம் இந்திய உணவு வகைகளைச் சமைத்தும், கைகளுக்கு மருதாணி இட்டும்பொழுதைக் கழிப்போம். எனது கலாச்சாரப் பிண்ணனியால் அமெரிக்காவில் நான் என்றும் அசெளகரியமாகஉணர்ந்ததில்லை என்று கூறியுள்ளார்.

லூசியானா மாகாணத்தில் அண்மையில் நடைபெற்ற கவர்னர் தேர்தலில் இந்திய வம்சாவளியைச் சேர்ந்த பாபிஜிந்தால் தோல்வியுற்றது குறிப்பிடத்தக்கது.