திமுக கூட்டணி: கட்சி வாரியாக தொகுதிகள் விவரம்
சென்னை:
திமுக கூட்டணியில் தொகுதிப் பங்கீடு கிட்டத்தட்ட முடிவடைந்து விட்டது. கூட்டணியில் இடம் பெற்றுள்ளகட்சிகளுக்கு ஒதுக்கப்பட்டுள்ள தொகுதிகள் விவரம் வருமாறு:
திமுக போட்டியிடும் 15 இடங்கள்: கடலூர், கரூர், கிருஷ்ணகிரி, மத்திய சென்னை, தென் சென்னை, வடசென்னை, நாகப்பட்டிணம், பெரம்பலூர், புதுக்கோட்டை, ராமநாதபுரம், ஸ்ரீபெரும்புதூர், தஞ்சாவூர், திருச்செந்தூர்,திருச்செங்கோடு, திருப்பத்தூர்.
இதில் கடலூர், கிருஷ்ணகிரி, மத்திய சென்னை, தென் சென்னை, வட சென்னை, நாகப்பட்டினம், பெரம்பலூர்,ஸ்ரீபெரும்புதூர், தஞ்சாவூர், திருச்செந்தூர், திருப்பத்தூர் ஆகிய தொகுதிகளில் திமுக கடந்த 1999 தேர்தலில் வெற்றிபெற்றது.
காங்கிரஸ் போட்டியிடும் 10 தொகுதிகள்: சிவகங்கை, மயிலாடுதுறை, கோபிச் செட்டிப்பாளையம், திண்டுக்கல்,பழனி, ராசிபுரம், நீலகிரி, திருநெல்வேலி, பெரியகுளம், சேலம்.
இதில் மயிலாடுதுறை, சிவகங்கை ஆகிய தொகுதிகளில் கடந்த முறை காங்கிரஸ் வெற்றி பெற்றது.
பாமக போட்டியிடும் 6 தொகுதிகள்: பாண்டிச்சேரி, தர்மபுரி, செங்கல்பட்டு, அரக்கோணம், சிதம்பரம்,திண்டிவனம். இதில் செங்கல்பட்டு, தர்மபுரி ஆகிய தொகுதிகளில் பா.ம.க கடந்த முறை வெற்றி பெற்றது.
மதிமுக போட்டியிடும் 4 தொகுதிகள்: சிவகாசி, திருச்சி, வந்தவாசி, பொள்ளாச்சி. இதில் சிவகாசி, பொள்ளாச்சிஆகிய தொகுதிகளில் கடந்த முறை மதிமுக வெற்றி பெற்றது.
மார்க்சிஸ்ட் கம்யூனிஸ்ட் (2 தொகுதிகள்): மதுரை, நாகர்கோவில்.
இதில் மார்க்சிஸ்ட் கம்யூனிஸ்ட் கடந்தமுறை மதுரையில் வெற்றி பெற்றது.
இந்திய கம்யூனிஸ்ட் (2 தொகுதிகள்): கோவை, தென்காசி.
இந்திய யூனியன் முஸ்லீம் லீக் (1 தொகுதி): வேலூர். இங்கு கடந்த முறை பா.ம.க வெற்றி பெற்றது.