நேருக்கு நேர்: திமுக-அதிமுக 14 தொகுதிகளில் மோதல்
சென்னை:
வரும் நாடாளுமன்றத் தேர்தலில் திமுகவும், அதிமுகவும் 14 தொகுதிகளில் நேருக்கு நேர் மோதவுள்ளன.
மொத்தம் திமுக போட்டியிடும் 15 தொகுதிகளில் 14ல் அதிமுக வேட்பாளர்களை நிறுத்தப் போகிறார் முதல்வர்ஜெயலலிதா. மதிமுகவை 4 தொகுதிகளிலும் எதிர்க்கப் போகின்றனர் அதிமுக வேட்பாளர்கள்.
அதே போல காங்கிரஸ் போட்டியிடும் 10 தொகுதிகளில் 9ல் தனது வேட்பாளர்களை நிறுத்தி மோதப் போகிறார்ஜெயலலிதா.
திமுக- அதிமுக நேரடியாக மோதும் தொகுதிகள்:
கடலூர், கரூர், கிருஷ்ணகிரி, மத்திய சென்னை, தென் சென்னை, நாகப்பட்டனம், பெரம்பலூர், புதுக்கோட்டை,ராமநாதபுரம், ஸ்ரீபெரும்புதூர், தஞ்சாவூர், திருச்செந்தூர், திருச்செங்கோடு, திருப்பத்தூர்.
காங்கிரசுடன்...:
இதேபோல, அதிமுகவுக்கும், காங்கிரஸுக்கும் இடையே சிவகங்கை, மயிலாடுதுறை, கோபிச்செட்டிப்பாளையம்,திண்டுக்கல், பழனி, ராசிபுரம், திருநெல்வேலி, பெரியகுளம், சேலம் ஆகிய 9 தொகுதிகளில் போட்டிஏற்பட்டுள்ளது.
பா.ம.கவுடன் 3ல் மோதல்:
அதிமுகவும், பாமகவும் செங்கல்பட்டு, அரக்கோணம், திண்டிவனம் ஆகிய தொகுதிகளில் நேரடியாகமோதுகின்றன.
வைகோவுக்கு எதிராகவும்...
அதே போல வைகே போட்டியிடவுள்ள சிவகாசி, திருச்சி, பொள்ளாச்சி, வந்தவாசி ஆகிய 4 தொகுதிகளிலும்அதிமுகவும், மதிமுகவும் நேரடியாக மோதவுள்ளன.
அதிமுகவும், மார்க்சிஸ்ட் கம்யூனிட்ஸ் கட்சியும் மதுரையில் நேரடியாக சந்திக்கின்றன. தென்காசி தனி தொகுதியில்இந்திய கம்யூனிஸ்ட் வேட்பாளருக்கும், அதிமுகவுக்கும் நேரடிப் போட்டி நிலவுகிறது.
வேலூர் தொகுதியில் இந்திய யூனியன் முஸ்லீம் லீக் கட்சியை தனது வேட்பாளரைக் கொண்டே எதிர்க்கிறதுஅதிமுக.