அதிமுகவுக்கு முஸ்லீம் கட்சி, இந்து முன்னணி ஆதரவு

மதுரை & சேலம்:

மக்களவைத் தேர்தலில் அதிமுக-பா.ஜ.க. கூட்டணியை ஆதரித்துப் பிரச்சாரம் செய்யப் போவதாக அகில இந்தியமுஸ்லீம் முன்னேற்றக் கழகம் (அ.இ.மு.மு.க) மற்றும் இந்து முன்னணி ஆகியவை முடிவெடுத்துள்ளன.

மதுரையில் அ.இ.மு.மு.க. தலைவர் இப்ராஹிம் தலைமையில் நடந்த மாநில செயற்குழுக் கூட்டத்தில் இந்த முடிவுஎடுக்கப்பட்டது.

நாடாளுமன்றத் தேர்தலில் அதிமுக கூட்டணியை வெற்றி பெறச் செய்ய வேண்டும். இதற்காக கட்சியின் செயலாளர்அப்துல் அஸீஸ் தலைமையில் முதல்வர் ஜெயலலிதாவைச் சந்தித்து, பிரச்சார திட்டங்கள் வகுக்கப்படும் என்று அக்கட்சி தெரிவித்துள்ளது.

இந்து முன்னணி ஆதரவு:

இந் நிலையில் சேலத்தில் செய்தியாளர்களிடம் பேசிய இந்து முன்னணி அமைப்பாளர் ராமகோபாலன்,

திமுக கூட்டணி இந்து விரோத- மதமாற்றத்தை ஆதரிக்கும் கூட்டணியாகும். எனவே அதைத் தோற்கடித்து,தேசியம்-ஆன்மீகம் ஆகியவற்றை இரு கண்களாகப் போற்றும் அதிமுக கூட்டணியை வெற்றி பெறச் செய்யவேண்டும்.

இப்போதைய சூழ்நிலையில் நாட்டைக் காக்க கருணையுள்ளம் கொண்ட சர்வாதிகாரிகள்தான் தேவை. முதல்வர்ஜெயலலிதா அதற்கு முற்றிலும் தகுதியானவர் என்று கூறினார்.