ரஜினிக்கு சென்னை ரசிகர்களும் எதிர்ப்பு

சென்னை:

அதிமுக-பா.ஜ.க கூட்டணிக்கு ஆதரவு தரும் ரஜினியின் முடிவை சென்னையைச் சேர்ந்த மன்றமும் எதிர்த்துள்ளது.

ஏற்கனவே சேலம், தர்மபுரி, பாண்டிச்சேரி உள்ளிட்ட பல பகுதிகளிலும் ரஜினியின் முடிவை எதிர்த்து பல ரசிகர்கள் போராட்டத்தில் குதித்துள்ளனர்.

இந் நிலையில் பல்லாவரத்தில் உள்ள கடமை வீரன் ரஜினிகாந்த் நற்பணி மன்றமும் ரஜினிக்கு எதிர்ப்புத் தெரிவித்துள்ளது. இந்த மன்றத்தின் தலைவர் குரோம்பேட்டை சேவியர் இதனைத் தெரிவித்துள்ளார்.

அவர் கூறுகையில், பா.ம.கவினரால் ரசிகர்களுக்கு ஏற்பட்ட தொல்லைகளைவிட அதிமுகவால் தமிழகத்துக்கும் மக்களுக்கும் ரசிகர்களுக்கும் ஏற்பட்ட தொல்லைகள் தான் மிக அதிகம்.

ஜெயலலிதாவின் அராஜக ஆட்சிக்கு ரஜினி ஆதரவு தரக் கூடாது. சத்யநாராயணாவும் தனது குழப்பமான அறிக்கையை திரும்பப் பெற வேண்டும். இதைச் செய்யாவிட்டால் பல்லாவரத்தில் பதிவு செய்யப்பட்டுள்ள எல்லா ரஜினி மன்றங்களையும் கலைப்போம் என்றார்.