இந்திய- அமெரிக்க கூட்டணியில் புதிய சாட்டிலைட்பெங்களூர்:அமெரிக்காவின் போயிங் நிறுவனமும் இந்திய விண்வெளி ஆய்வுத் துறையும் இணைந்து தகவல் தொடர்பு செயற்கோள்களை உருவாக்கத் திட்டமிட்டுள்ளன. அவற்றை பிற நாடுகளுக்கு விற்கவும் திட்டமிட்டுள்ளன.விமானக் கட்டுமானப் பணி தவிர விண்வெளி ஆராய்ச்சியிலும் ஈடுபட்டுள்ளது போயிங். இந்திய விண்வெளி ஆய்வுத் துறையான இஸ்ரோ, இன்சாட் ரக தகவல் தொடர்பு சாட்டிலைட்டுகள், ஐ.ஆர்.எஸ் ரக வானியல் ஆராய்ச்சி செயற்கைக் கோள்கள், ராக்கெட்டுகளைத் தயாரித்து வருகிறது.ஐ.ஆர்.எஸ். ரக செயற்கைக் கோள்களை இந்தியாவே தனது பி.எஸ்.எல்.வி. ராக்கெட்டுகள் மூலம் செலுத்தி வருகிறது. இன்சாட் ரக செயற்கைக் கோள்களை ஐரோப்பாவின் ஏரியன் ராக்கெட்டுகள் மூலம் ஏவி வருகிறது.இன்சாட் ரக செயற்கைக் கோள்களையும் தானே செலுத்தும் முயற்சியில் இருக்கும் இந்தியா, அதற்காக அதிக சக்தி வாய்ந்த ஜி.எஸ்.எல்.வி. ராக்கெட்டுகளை உருவாக்கும் முயற்சியில் தீவிரமாக ஈடுபட்டுள்ளது.இந் நிலையில் இந்தியாவோடு இணைந்து தகவல் தொடர்பு சாட்டிலைட்டுகளை உருவாக்கி, சர்வதேச நாடுகளுக்கு விற்பனை செய்ய போயிங் முடிவு செய்துள்ளது.இந்திய- அமெரிக்க விண்வெளி ஆய்வுக் குழுவின் கூட்டம் பெங்களூரில் நடந்து வருகிறது. இந் நிகழ்ச்சியில் பங்கேற்றுள்ள அமெரிக்க வர்த்தகத்துறை துணை அமைச்சர் கென்னத் ஜஸ்டர் நிருபர்களிடம் பேசுகையில்,இஸ்ரோவுடன் இணைந்து செயற்கைக் கோள்களை உருவாக்க போயிங் நிறுவனத்துக்கு அமெரிக்க அரசு சமீபத்தில் அனுமதி தந்துவிட்டது என்றார்.இஸ்ரோ தலைவர் மாதவன் நாயர் கூறுகையில், போயிங்குடன் இணைந்து உருவாக்கப்படவுள்ள புதிய செயற்கைக் கோள்கள் இன்சாட்டின் தொழில்நுட்பத்தில் தான் உருவாக்கப்படவுள்ளன. அதில் போயிங் நிறுவன சாட்டிலைட்டுகளின் சில தொழில்நுட்பங்களும் சேர்க்கப்படும்.இரண்டு ஆண்டுகளில் இந்த சாட்டிலைட்டுகள் உருவாக்கப்பட்டு சர்வதேச சந்தையில் விற்கப்படும் என்றார்.இதற்கிடையே அமெரிக்க விண்வெளி ஆராய்ச்சி நிறுவனமான நாஸாவும், இஸ்ரோவுடன் இணைந்து விண்வெளி ஆராய்ச்சிகளில் ஈடுபட விருப்பமாக உள்ளதாக அந்த அமைப்பின் துணை நிர்வாகி டாக்டர் பிரடெரிக் கிரிகெரி தெரிவித்துள்ளார்.இந்திய- அமெரிக்க விண்வெளி ஆய்வுக் குழுவின் கூட்டத்தில் பங்கேற்க அவரும் பெங்களூர் வந்துள்ளார்.

பெங்களூர்:

அமெரிக்காவின் போயிங் நிறுவனமும் இந்திய விண்வெளி ஆய்வுத் துறையும் இணைந்து தகவல் தொடர்பு செயற்கோள்களை உருவாக்கத் திட்டமிட்டுள்ளன. அவற்றை பிற நாடுகளுக்கு விற்கவும் திட்டமிட்டுள்ளன.

விமானக் கட்டுமானப் பணி தவிர விண்வெளி ஆராய்ச்சியிலும் ஈடுபட்டுள்ளது போயிங். இந்திய விண்வெளி ஆய்வுத் துறையான இஸ்ரோ, இன்சாட் ரக தகவல் தொடர்பு சாட்டிலைட்டுகள், ஐ.ஆர்.எஸ் ரக வானியல் ஆராய்ச்சி செயற்கைக் கோள்கள், ராக்கெட்டுகளைத் தயாரித்து வருகிறது.

ஐ.ஆர்.எஸ். ரக செயற்கைக் கோள்களை இந்தியாவே தனது பி.எஸ்.எல்.வி. ராக்கெட்டுகள் மூலம் செலுத்தி வருகிறது. இன்சாட் ரக செயற்கைக் கோள்களை ஐரோப்பாவின் ஏரியன் ராக்கெட்டுகள் மூலம் ஏவி வருகிறது.

இன்சாட் ரக செயற்கைக் கோள்களையும் தானே செலுத்தும் முயற்சியில் இருக்கும் இந்தியா, அதற்காக அதிக சக்தி வாய்ந்த ஜி.எஸ்.எல்.வி. ராக்கெட்டுகளை உருவாக்கும் முயற்சியில் தீவிரமாக ஈடுபட்டுள்ளது.

இந் நிலையில் இந்தியாவோடு இணைந்து தகவல் தொடர்பு சாட்டிலைட்டுகளை உருவாக்கி, சர்வதேச நாடுகளுக்கு விற்பனை செய்ய போயிங் முடிவு செய்துள்ளது.

இந்திய- அமெரிக்க விண்வெளி ஆய்வுக் குழுவின் கூட்டம் பெங்களூரில் நடந்து வருகிறது. இந் நிகழ்ச்சியில் பங்கேற்றுள்ள அமெரிக்க வர்த்தகத்துறை துணை அமைச்சர் கென்னத் ஜஸ்டர் நிருபர்களிடம் பேசுகையில்,

இஸ்ரோவுடன் இணைந்து செயற்கைக் கோள்களை உருவாக்க போயிங் நிறுவனத்துக்கு அமெரிக்க அரசு சமீபத்தில் அனுமதி தந்துவிட்டது என்றார்.

இஸ்ரோ தலைவர் மாதவன் நாயர் கூறுகையில், போயிங்குடன் இணைந்து உருவாக்கப்படவுள்ள புதிய செயற்கைக் கோள்கள் இன்சாட்டின் தொழில்நுட்பத்தில் தான் உருவாக்கப்படவுள்ளன. அதில் போயிங் நிறுவன சாட்டிலைட்டுகளின் சில தொழில்நுட்பங்களும் சேர்க்கப்படும்.

இரண்டு ஆண்டுகளில் இந்த சாட்டிலைட்டுகள் உருவாக்கப்பட்டு சர்வதேச சந்தையில் விற்கப்படும் என்றார்.

இதற்கிடையே அமெரிக்க விண்வெளி ஆராய்ச்சி நிறுவனமான நாஸாவும், இஸ்ரோவுடன் இணைந்து விண்வெளி ஆராய்ச்சிகளில் ஈடுபட விருப்பமாக உள்ளதாக அந்த அமைப்பின் துணை நிர்வாகி டாக்டர் பிரடெரிக் கிரிகெரி தெரிவித்துள்ளார்.

இந்திய- அமெரிக்க விண்வெளி ஆய்வுக் குழுவின் கூட்டத்தில் பங்கேற்க அவரும் பெங்களூர் வந்துள்ளார்.