விமானப்படை ஹெலிகாப்டர் விபத்து: பைலட் மரணம்

ஹைதராபாத்:

ஆந்திராவில் விமானப்படைக்கு சொந்தமான ஹெலிகாப்டர் நொறுங்கி விழுந்ததில் பைலட் ஒருவர் இறந்தார்.

ஆந்திர மாநிலம் ஹைதராபாத் அருகேயுள்ள ஹக்கீம் பேட் பகுதியில் இந்திய விமானப்படைத்தளம் உள்ளது.இன்று இங்கு விமானப்படை வீரர்கள் வழக்கம்போல் ஹெலிகாப்டரில் சென்று பயிற்சி செய்து கொண்டிருந்தனர்.

மேடக் மாவட்டத்தில் சர்லபள்ளி என்ற கிராமம் அருகே பயிற்சியில் ஈடுபட்டிருந்த ஒரு ஹெலிகாப்டர்எதிர்பாராதவிதமாக நொறுங்கி விழுந்தது. இந்த விபத்தில் ஹெலிகாப்டரில் இருந்த பைலட் பரிதாபமாக இறந்தார்.

இந்த விபத்து குறித்து விசாரணை நடைபெற்று வருகிறது.