இந்தியாவில் நாள்தோறும் 304 பேர் தற்கொலை!

டெல்லி:

இந்தியாவில் சராசரியாக தினமும் 304 பேர் தற்கொலை செய்து கொள்வதாக நாடாளுமன்றத்தில் மத்திய அரசு தெரிவித்துள்ளது.

மத்திய உள்துறை இணை அமைச்சர் மாணிக்ராவ் ஹோட்லியா, ராஜ்யசபாவில் எழுத்து மூலம் அளித்த பதிலில்,

2001 முதல் 2003 ஆண்டு வரை இந்தியாவில் மொத்தம் 3,29,774 பேர் தற்கொலை செய்துள்ளனர்.

இதில், 2001ம் ஆண்டில் 1,08,506 பேரும், 2002ம் ஆண்டில் 1,10,417 பேரும், 2003ம் ஆண்டில் 1,10,851 பேரும் தற்கொலை செய்துள்ளனர்.

2001ம் ஆண்டில் ஒரு நாளில் சராசரியாக 294 பேரும், 2002ம் ஆண்டில் 297 பேரும், 2003ம் ஆண்டில் நாளொன்றுக்கு 304 பேரும் தற்கொலை செய்து கொண்டுள்ளனர் என்றார்.