காங்கிரஸ் சார்பில் 500 சாதனை பொதுக்கூட்டங்கள்

சென்னை:

தமிழகம் முழுவதும் மத்திய அரசின் ஓராண்டு ஆட்சியின் சாதனை விளக்கப் பொதுக் கூட்டங்களை நடத்த தமிழக காங்கிரஸ்கட்சி முடிவு செய்துள்ளது.

மத்திய அரசின் சாதனைகளை விளக்கி நடக்கவுள்ள இந்தப் பொதுக்கூட்டங்கள் மொத்தம் 500 இடங்களில் நடத்தப்படுகின்றன.வருகிற 20ம் தேதி தொடங்கி செப்டம்பர் 5ம் தேதி வரை இக் கூட்டங்கள் நடத்தப்படும்.

ஜி.கே.வாசன் கடலூர் வடக்கு பகுதியில் நடக்கும் கூட்டத்தில் பங்கேற்றுப் பேசுகிறார். மத்திய சென்னையில் விநாயகமூர்த்தி,தென் சென்னையில் குமரி அனந்தன் பேசுகிறார்கள்.

காஞ்சிபுரம் வடக்குப் பகுதியில் ஜெயந்தி நடராஜனும், திருவள்ளூர் வடக்கில் அன்பரசுவும் பேசுகிறார்கள்.

சிவகங்கையில் மத்திய அமைச்சர் ப.சிதம்பரம், நாகப்பட்டனம் வடக்கில் மத்திய அமைச்சர் மணி சங்கர அய்யர், கோவையில்எஸ்.ஆர்.பாலசுப்ரமணியம், சேலத்தில் தங்கபாலு, நீலகிரியில் பிரபு, விழுப்புரம் வடக்கில் திண்டிவனம் ராமமூர்த்தி ஆகியோர்பேசுகிறார்கள்.