வானொலி நிலையத்தில் தீ! அரிய இசைத் தட்டுக்கள் அழிந்தன!

சென்னை:

சென்னை வானொலி நிலையத்தில் ஏற்பட்ட தீவிபத்தில் அரிய பலஇசைத் தட்டுக்கள், கிராமபோன் பெட்டிகள் அழிந்தன.

சென்னை காமராஜர் சாலையில், கலங்கரை விளக்கத்திற்கு எதிரே அகில இந்திய வானொலி நிலையம் உள்ளது. இந்த வானனொலிநிலையத்தில் இன்று முதல் தளத்தில் உள்ள வர்த்தக ஒலிபரப்புப் பிரிவில் ஒலிநாடாக்கள் உள்ள அறையில் காலையில்தீப்பிடித்தது. முதலில் தீ பிடித்தது குறித்து யாருக்கும் தெரியவில்லை.

அறையிலிருந்து புகை வெளியேற ஆரம்பித்தபோதுதான் தீவிபத்து ஏற்பட்டது தெரிய வந்தது. இதைத் தொடர்ந்து தீயணைப்பப்படையினருக்குத் தகவல் தரப்பட்டது. வானொலி நிலையத்தில் இருந்த அனைவரும் அவசரம் அவசரமாகவெளியேற்றப்பட்டனர்.

10 தீயணைப்பு வண்டிகள் விரைந்து வந்து தீயை அணைக்கும் முயற்சியில் ஈடுபட்டனர். தீயணைப்பு வீரர்களின் துணிச்சலால் தீவேகமாக அணைக்கப்பட்டது. இருப்பினும் அந்த அறையில் இருந்த பல அரிய இசைத் தட்டுக்கள், கிராமபோன் பெட்டிகள்அழிந்து விட்டன.

தீயணைக்கும் முயற்சியில் ராமலிங்கம், வெற்றிவேல் ஆகிய வீரர்கள் காயமடைந்தனர். அவர்கள் சென்னை அரசு பொதுமருத்துவமனையில் அனுமதிக்கப்பட்டுள்ளனர். சேதமதிப்பு பல லட்சமாக இருக்கும் என மதிப்பிடப்பட்டுள்ளது.