8 அவசரச் சட்டங்கள் சட்டசபையில் தாக்கல்: காளிமுத்து

சென்னை:

தமிழக சட்டசபையின் மழைக்காலக் கூட்டத் தொடரில் 8 அவசரச் சட்டங்களுக்கான முன்வடிவுகள் தாக்கல் செய்யப்பட்டுநிறைவேற்றப்படும் என்று சபாநாயகர் காளிமுத்து தெரிவித்துள்ளார்.

சட்டசபையின் மழைக்காலக் கூட்டத் தொடர் புதன்கிழமை தொடங்குகிறது. இதுகுறித்து காளிமுத்து தலைமைச் செயலகத்தில்செய்தியாளர்களிடம் பேசுகையில், காலை 10 மணிக்கு அவை கூடுகிறது. இதில் மரணமடைந்த முன்னால் எம்.எல்.ஏக்கள 12 பேருக்குஇரங்கல் தெரிவித்து தீர்மானம் நிறைவேற்றப்படும்.

மறைந்த முன்னாள் சபாநாயகர் முனு ஆதியின் மறைவுக்கு இரங்கல் தெரிவித்து சபை நடவடிக்கைகள் ஒத்திவைக்கப்படும். அதன் பின்னர்எனது அலுவலகத்தில் அலுவல் ஆய்வுக் குழு கூடி அவை நடவடிக்கைகள் குறித்து முடிவு செய்யும்.

ஒரு வாரத்திற்கு மேல் கூட்டத் தொடர் நடைபெற வாய்ப்புள்ளது. தமிழக அரசு 8 அவசரச் சட்டங்களைப் பிறப்பித்துள்ளது. அவற்றுக்கானசட்ட முன்வடிவுகள் இந்த சபையில் வைக்கப்படும். அவை ஆய்வுக்கு எடுத்துக் கொள்ளப்படும். வேறு ஏதாவது சட்ட முன்வடிவுகள் முன்வைக்கப்பட்டாலும் அவையும் ஆய்வுக்கு எடுத்துக் கொள்ளப்படும் என்றார் காளிமுத்து.