இசைக் கலைஞர் மதுரை கிருஷ்ணன் மரணம்

சென்னை:

பிரபல கர்நாடக இசைக் கலைஞர் வித்வான் மதுரை என். கிருஷ்ணன் காலமானார். அவருக்கு வயது 77.

கலைமாமணி, பத்மபூஷன் உள்ளிட்ட விருதுகளைப் பெற்ற கிருஷ்ணன் சிறுநீரக பாதிப்பு காரணமாக சென்னையில் தனியார்மருத்துவமனையில் அனுமதிக்கப்பட்டிருந்தார். சிகிச்சை பலனின்றி இன்று அதிகாலை மரணமடைந்தார்.

அவருக்கு 4 மகள்கள் உள்ளனர். காரைக்குடி தமிழ் இசைப் பள்ளியில் பயின்று, தமிழக அரசின் இசைக் கல்லூரியில் உயர் கல்விகற்று வித்வான் பட்டம் பெற்றவர்.

அரியக்குடி ராமானுஜ அய்யங்காரிடம் 18 ஆண்டுகள் குருகுல வாசம் இருந்து இசை பயின்றார். தியாகராஜரின் குரு சிஷ்யஇசைப் பரம்பரையில் வந்தவர் கிருஷ்ணன் என்பது குறிப்பிடத்தக்கது.