கவர்ச்சி வில்லன் கண்ணன் மரணம்!

மதுரை:

கவர்ச்சி வில்லன் என்று ரசிகர்களால் புகழப்பட்ட பழம்பெரும் நடிகர் கண்ணன் (வயது 70) அதிமுக பொதுக்கூட்டமேடையில் பேசும் போது மாரடைப்பால் மரணமடைந்தார்.

எம்.ஜி.ஆர். படங்கள் அனைத்திலும், வில்லன்களில் ஒருவராக நடித்தவர் கண்ணன். நம்பியார், வீரப்பா, அசோகன்,மனோகருக்குப் பிறகு பிரபலமான வில்லனாக வலம் வந்தவர் கண்ணன்.

நூற்றுக்கும் மேற்பட்ட படங்களில் வில்லனாக நடித்துள்ள கண்ணன் அதன் பின்னர் திரைப் படங்களில் குணச்சித்திர வேடங்களில்நடித்து வந்தார். சமீப காலமாக தொலைக்காட்சித் தொடர்களில் நடித்து வந்தார்.

அதிமுகவில் பேச்சாளராக இருக்கும் கண்ணன், கட்சியின் 34வது ஆண்டு தினத்தையொட்டி அருப்புக்கோட்டையில் நடந்தபொதுக் கூட்டத்தில் சிறப்பு அழைப்பாளராகக் கலந்து கொண்டு பேசினார்.

அப்போது திடீரென மேடையில் சாய்ந்து விழுந்தார். கட்சி நிர்வாகிகள் அவரை அருகில் இருந்த தனியார் மருத்துவமனைக்குக்கொண்டு சென்றனர். அங்கு தீவிர சிகிச்சை அளிக்கப்பட்டது. இருப்பினும் கண்ணனின் உயிர் பிரிந்தது.