கே.ஆர். நாராயணன் கவலைக்கிடம்

புதுடெல்லி:

முன்னாள் குடியரசுத் தலைவர் கே.ஆர். நாராயணன் உடல் நிலை மோசமடைந்தது.

டெல்லியில் வசித்து வரும் கே.ஆர். நாராயணன், கடந்த சில நாட்களாக உடல் நலக்குறைவால்பாதிக்கப்பட்டுள்ளார். அவரது உடல் நலை 2 நாட்களுக்கு முன்பு மோசமடைந்தது.

இதையடுத்து டெல்லி ராணுவ மருத்துவமனையில் அவர் அனுமதிக்கப்பட்டார். அங்கு அவருக்கு நிமோனியாகாய்ச்சல் வந்திருப்பது கண்டுபிடிக்கப்பட்டது.

இதனால் மூச்சு விட அதிகம் சிரமப்பட்டார் நாராயணன். மேலும், நுரையீரலில் வீக்கம் காணப்பட்டது.

இதைத் தொடர்ந்து கே.ஆர். நாராயணனுக்கு தீவிர சிகிச்சை அளிக்கப்பட்டு வருகிறது. செயற்கை சுவாசக்கருவிகள் பொருத்தப்பட்டுள்ளன. அவரது நிலையில் முன்னேற்றம் காணப்படவில்லை என்றும் நிலைமைமோசமாகி வருவதாகவும் டாக்டர்கள் தெரிவித்துள்ளனர்.

தொடர்ந்து அபாய கட்டத்திலேயே நாராயணன் இருந்து வருகிறார். அவரை குடியரசுத் தலைவர் அப்துல் கலாம்,பிரதமர் மன்மோகன் சிங் உள்ளிட்டோர் மருத்துவமனைக்குச் சென்று உடல் நலம் விசாரித்தனர்.