ரஜினிக்கு ராமதாஸ் பாராட்டு
சென்னை:
நடிகர் ரஜினிகாந்த்தை பின்பற்றி மற்ற நடிகர்களும் திரைப்படங்களில் புகை பிடிப்பதை நிறுத்த வேண்டும் என்றுபாமக நிறுவனர் ராமதாஸ் கூறியுள்ளார்.
சென்னையில் வியாழக்கிழமை பேட்டி அளித்த ராமதாஸ், நடிகர்கள் ரஜினிகாந்த், ஷாருக்கான் ஆகியோரைபாராட்டித் தள்ளினார். அவர் கூறுகையில்,திரைப்படங்களில் புகை பிடிப்பது, மது அருந்துவது போன்ற காட்சிகளை தடை செய்ய வேண்டும் என்று நாங்கள்நீண்ட காலமாக கோரி வருகிறோம். தற்போது அவற்றுக்கு மத்திய அரசு தடையும் விதித்துள்ளது.
அதேபோல பெரிய நடிகர்களும் புகை பிடிப்பது போன்ற காட்சிகளில் நடிக்கக் கூடாது என்று கோரி வந்தோம்.அதை ஏற்று இந்தி நடிகர் ஷாருக்கான், சினிமாவில் மட்டுமல்லாது, நிஜ வாழ்க்கையிலும் தற்போது புகை பிடிப்பதைவிடப் போவதாக அறிவித்துள்ளார்.
நடிகர் ரஜினியும் கூட சினிமாவில் புகை பிடிப்பது போன்ற காட்சிகளில் நடிப்பதை விட்டு விட்டார். இதை நாங்கள்பாராட்டுகிறோம். ரஜினியைப் பின்பற்றி மற்ற நடிகர்களும் சினிமாவில் புகை பிடிக்கும் காட்சிகளில் நடிப்பதைதவிர்க்க வேண்டும் என்றார் ராமதாஸ்.