கருணாநிதியுடன் இளம் அமெரிக்க அரசியல்வாதிகள் சந்திப்பு

சென்னை:

திமுக தலைவர் கருணாநிதியை, அமெரிக்காவைச் சேர்ந்த இளம் அரசியல் தலைவர்கள் குழு சந்தித்து திராவிடபாரம்பரியம் குறித்தும், திமுக குறித்தும் கேட்டறிந்தது.

அமெரிக்காவைச் சேர்ந்த இளம் அரசியல் தலைவர்கள் அடங்கி குழு இந்தியாவில் சுற்றுப்பயணம்மேற்கொண்டுள்ளது. இந்தியாவின் பல்வேறு மாநிலங்களுக்குச் செல்லும் இந்தக் குழுவினர், பல்வேறு அரசியல்கட்சித் தலைவர்களை சந்தித்துப் பேசி வருகின்றனர்.

இந்திய அரசியல் வரலாறு குறித்து இந்திய அரசியல் தலைவர்களிடம் கேட்டுத் தெரிந்து கொள்கின்றனர். அந்தவகையில் சென்னை வந்த இக் குழுவினர் திமுக தலைமைக் கழக அலுவலகமான அண்ணா அறிவாலயத்திற்குவருகை தந்தனர். அங்கு கட்சித் தலைவர் கருணாநிதியை சந்தித்துப் பேசினர்.

தமிழக அரசியல் குறித்தும், திராவிட பாரம்பரியம், திமுகவின் வரலாறு குறித்தும் கருணாநிதியுடன் அவர்கள்விவாதித்தனர்.

அமெரிக்கக் குழுவிடம் திராவிட இயக்க வரலாறு குறித்துத் தான் எழுதிய நூல்களின் ஆங்கிலப் பதிப்புகளைகருணாநிதி வழங்கினார். தஞ்சாவூர் தட்டு ஒன்றையும் அவர் வழங்கினார்.

இந்தச் சந்திப்பின்போது சன் டிவி குழு தலைவர் கலாநிதி மாறன், மு.க.ஸ்டாலின், ஆற்காடு வீராசாமிஆகியோரும் இருந்தனர்.

முன்னதாக காங்கிரஸ் தலைவர் ஜி.கே.வாசனையும் இக்குழுவினர் சந்தித்துப் பேசினர்.