திருமாவுக்கு பாமகவில் சீட்-திமுக பார்முலா ரெடி

சென்னை:

2001ம் ஆண்டு சட்டமன்றத் தேர்தலில் அதிமுக கூட்டணியில் இருந்த காங்கிரஸ்-தாமக ஆகியவை கூட்டாக 47இடங்களில் போட்டியிட்டன. ஆனால், இந்த முறை ஒன்றாகிவிட்ட அக் கட்சிக்கு 35 இடங்கள் மட்டுமே திமுககூட்டணியில் தரப்படும் என்று தெரிகிறது. இந்தக் கட்சி 60 தொகுதிகள் கொண்ட பட்டியலை வீரப்ப மொய்லிமூலம் திமுக தலைவர் கருணாநிதியிடம் தரவுள்ளது.

அதே போல கடந்த முறை அதிமுக கூட்டணியில் 27 இடங்களில் போட்டியிட்ட பாமகவுக்கு இம்முறை திமுகவில் 22இடங்களே கிடைக்கவுள்ளது. அதில் திருமாவளவனுக்கு உள் ஒதுக்கீட்டை பாமக செய்து கொள்ள வேண்டும்.இந்தக் கட்சி 30 தொகுதிகளைக் கேட்டு திமுகவிடம் கடிதம் தந்துள்ளது.

அதே போல மதிமுகவுக்கும் 21 இடங்கள் தரப்படலாம் என்று தெரிகிறது. போன முறை 21 சீட் கேட்டு, 17 மட்டுமேதர திமுக முன் வந்ததால் கூட்டணியை விட்டு விலகினார் வைகோ. இம்முறை 35 சீட் கேட்டு கருணாநிதியிடம் கடிதம்தரவுள்ளார் வைகோ.

இடங்களை தியாகம் செய்யும் பாமகவுக்கும் காங்கிரசுக்கும் 2 ராஜ்யசபா சீட்கள் ஒதுக்கப்படலாம் என்று தெரிகிறது.

அதே போல மார்க்சிஸ்ட் கம்யூனிஸ்ட், இந்திய கம்யூனிஸ்ட் கட்சிகளுக்கு தலா 7 இடங்கள் தரப்படலாம் என்றுதெரிகிறது.

இதனால் 92 இடங்கள் கூட்டணிக் கட்சிகளுக்குப் போய்விட மீதம் இருக்கும் 142 இடங்களில் தான் திமுகபோட்டியிட உள்ளது. மொத்தம் 234 பேரைக் கொண்ட சட்டசபையில் ஆட்சியமைக்க 117 இடங்கள் வேண்டும்.

தான் போட்டியிடும் 142 இடங்களில் இந்திய தேசிய முஸ்லீம் லீக். ராஜ கண்ணப்பனின் மக்கள் தமிழ் தேசம்.டாக்டர் சேதுராமனின் மூமுக ஆகியவற்றுக்கும் உதயசூரியன் சின்னத்திலேயே 3 தொகுதிகள் ஒதுக்க திமுகதிட்டமிட்டுள்ளது.

பாமக, மதிமுக முரண்டு பிடித்தால் கூடுதலாக தலா ஒரு தொகுதிகள் தரவும் முடிவாகியுள்ளது. அதே போலகாங்கிரசும் தொல்லை தந்தால் கண்ணப்பன், சேதுராமனுக்கு தரப்படும் சீட்கள் நிறுத்தப்பட்டு அவை காங்கிரசுக்குஒதுக்கப்படலாம்.