புதுவை: அதிமுக-விசி-கண்ணன் தொகுதி உடன்பாடு

சென்னை:

பாண்டிச்சேரி சட்டசபைத் தேர்தலில் அதிமுக கூட்டணியில் இடம் பெற்றுள்ள புதுச்சேரி முன்னேற்றக் காங்கிரஸ் கட்சிக்கு 10 தொகுதிகளும், விடுதலைச் சிறுத்தைகளுக்கு 2 தொகுதிகளும் ஒதுக்கப்பட்டுள்ளன.

புதுவையில் முன்னாள் அமைச்சர் கண்ணனின் புதுச்சேரி முன்னேற்றக் காங்கிரஸ் கட்சியுடன் அதிமுக கூட்டணி அமைத்துள்ளது. தற்போது மதிமுக மற்றும் விடுதலைச் சிறுத்தைகளும் இந்தக் கூட்டணியில் இணைந்துள்ளன.

புதுவைக்கான தொகுதி உடன்பாடு நேற்று எட்டப்பட்டது. கண்ணன் உள்ளிட்ட புதுச்சேரி ன்னேற்ற காங்கிரஸ் கட்சியின் நிர்வாகிகள் முதல்வர் ஜெயலலிதாவை சந்தித்தபோது தொகுதி உடன்பாடு எட்டப்பட்டது.

இதன்படி, கண்ணன் கட்சி 10 தொகுதிகளில் போட்டியிடுகிறது. மேலும், இந்த மாநிலத்தில் 10 தொகுதிகளில் தனித்துப் போட்டியிடப் போவதாக அறிவித்திருந்த விடுதலைச் சிறுத்தைகளும் தற்போது அதிமுக கூட்டணியில் இடம் பெற்றுள்ளது.

திருமாவளவன் ஜெயலலிதாவை சந்தித்து தனது இந்த முடிவைத் தெரிவித்தார். அக்கட்சிக்கு புதுவையில் 2 தொகுதிகள் ஒதுக்க்பட்டுள்ளது.

தமிழகம், புதுவையைச் சேர்த்து மொத்தம் 11 தொகுதிகளில் தற்போது விடுதலைச் சிறுத்தைகள் போட்டியிடுகிறது.

விரைவில் அதிமுக மற்றும் மதிமுக போட்டியிடும் தொகுதிகள் அறிவிக்கப்படும்.