தலித் அமைப்புகளுடன் கூட்டணி: பாஜக திட்டம்

சென்னை:

ஏப்ரல் 4ம் தேதி பாஜகவின் மதல் வேட்பாளர் பட்டியல் வெளியிடப்படும் எனஅக்கட்சியின் அகிலஇந்தியச் செயலாளர் பண்டாரு தத்தாத்ரேயா கூறியுள்ளார்.

சென்னையில் செய்தியாளர்களிடம் அவர் பேசுகையில், ஏப்ரல் 2ம் தேதி மாநிலத்தலைவர் ராதாகிருஷ்ணன் தலைமையிலான மாநில தேர்வுக் குழு கூடி வேட்பாளர்பட்டியலை இறுதி செய்து மத்திய குழுவுக்கு அனுப்பி வைக்கும்.

அங்கு வேட்பாளர் பட்டியல் பரிசீலிக்கப்பட்டு 4ம் தேதி முதல் பட்டியல்வெளியாகும்.

திமுக மற்றும் அதிமுகவால் நிராகரிக்கப்பட்டுள்ள பல்வேறு தலித் அமைப்புகள்(டாக்டர் கிருஷ்ணசாமியின் புதிய தமிழகம் உள்பட) பாஜகவுடன் கூட்டணி வைத்துக்கொள்ள விருப்பம் தெரிவித்துள்ளன.

அவற்றுடன் கூட்டணி வைப்பது தொடர்பாக பரிசீலித்து வருகிறோம். அத்தோடுசுப்பிரமணியன் சுவாமி தலைமையிலான ஜனதாக் கட்சியும் எங்களுடன் அணிசேரும்.

வருகிற தேர்தலில் எந்த அலையும் வீசவில்லை. எதிர்ப்பு அலையோ, ஆதரவுஅலையோ இல்லாத காரணத்தால், யாருக்கும் மெஜாரிட்டி கிடைக்காமல் போகும்வாய்ப்பை மறுக்க முடியாது என்றார் தத்தாத்ரேயா.