டெல்லி தியேட்டருக்கு வெடிகுண்டு மிரட்டல்

டெல்லி:

டெல்லியில் உள்ள சத்யம் தியேட்டர் வளாகத்தில் வெடிகுண்டுவைக்கப்பட்டிருப்பதாக வந்த தகவலால் டெல்லியில் பெரும் பதட்டம் ஏற்பட்டது.

மும்பை வெடிகுண்டுச் சம்பவத்தைத் தொடர்ந்து நாடு முழுவதும் தீவிரக்கண்காணிப்பு மேற்கொள்ளப்பட்டுள்ளது. பல்வேறு நகரங்களில் வெடிகுண்டுமிரட்டல்கள் வந்தவண்ணம் உள்ளன. சமீபத்தில் குடியரசுத் தலைவருக்கும் கூட இமெயில் மூலம் வெடிகுண்டு மிரட்டல் விடுக்கப்பட்டது.

இந்த நிலையில் டெல்லி படேல் நகர் பகுதியில் உள்ள சத்யம் திரையரங்க வளாகத்தில்வெடிகுண்டுகள் வைக்கப்பட்டிருப்பதாதவும், சில மணி நேரங்களில் அவைவெடிக்கும் என்றும் தொலைபேசி தகவல் வந்தது.

இதையடுத்து போலீஸ் மோப்ப நாய்களுடன் வெடிகுண்டு நிபுணர்கள் அங்குவிரைந்தனர். போலீஸாரும், வெடிகுண்டு நிபுணர்களும் தியேட்டர் வளாகத்தைமுற்றுகையிட்டு தீவிர சோதனை நடத்தினர். இருப்பினும் எந்த வெடிகுண்டும் அந்தசோதனையில் கிடைக்கவில்லை.

வெடிகுண்டு மிரட்டலையடுத்து இந்த வளாகத்தில் உள்ள அத்தனை தியேட்டர்களிலும்இருந்தவர்களை போலீஸார் பத்திரமாக அங்கிருந்து வெளியேற்றினர். இந்த மிரட்டல்காரணமாக டெல்லியில் பீதி நிலவுகிறது.