கலர் டிவியுடன் மின்சாரமும் இலவசம்!!!
சென்னை:
தமிழக அரசின் கலர் டிவியை இலவசமாக பெறுவோருக்கு, அதற்கான மின்சாரமும் இலவசமாக வழங்கப்படும்என்று சட்டசபையில் மின்சாரத் துறை அமைச்சர் ஆற்காடு வீராசாமி அறிவித்தார்.
தமிழக சட்டசபையில் இன்று விதி எண் 110ன் கீழ் உள்ளாட்சித் துறை அமைச்சர் ஸ்டாலின் அறிக்கை ஒன்றைவாசித்தார்.அதில், இலவச கலர் டிவி திட்டத்தின் முதல் கட்டமாக கலர் டிவி வழங்குவதற்கான தேசிய அளவில்விடப்படடிருந்த டெண்டர் கடந்த 24ம் தேதி திறக்கப்பட்டது. ஆனாலும் யாருக்கு டெண்டர் வழங்குவது என்றஇறுதி முடிவு எடுக்கப்படவில்லை.
இந் நிலையில் இன்று சில ஏடுகளில், டெண்டர் இறுதி செய்யப்பட்டு விட்டதாகவும், விலையும்முடிவெடுக்கப்பட்டு விட்டதாகவும் செய்திகள் வெளியாகியுள்ளன. இது முற்றிலும் தவறான தகவல்.
உண்மையில் இன்று மாலைதான் முதல்வர் தலைமையிலான பேரவை உறுப்பினர் குழு கூடி டெண்டர் விடுவது,விலை உள்ளிட்டவை குறித்து விவாதிக்கவுள்ளது என்றார் ஸ்டாலின்.
பின்னர் அதிக உறுப்பினர் வி.பி.கலைராஜன் எழுந்து, இலவச கலர் டிவி தரும்போது கூடவே மின்சாரம்இலவசமாக வழங்கப்படுமா என்று கேள்வி எழுப்பினார்.
இதற்கு மின்துறை அமைச்சர் ஆற்காடு வீராசாமி, ஏற்கனவே குடிசைகளுக்கு இலவச மின்சாரம் வழங்கிய அரசுதான் எங்கள் அரசு. அதே போல ஏவைகளுக்கு கலர் டிவி தரப்படும்போது கூடவே மின்சாரம் இலவசமாகவழங்கப்படும் என்றார்.