ஆசிய கபடி: தங்கம் வென்று இந்தியா சாதனை

தோஹா:தோஹாவில் நடைபெற்று வரும் ஆசிய விளையாட்டுப் போட்டியில் கபடிப் போட்டியில் இந்தியா தங்கப் பதக்கம்வென்றது. தொடர்ந்து 5வது முறையாக தங்கம் வென்று புதிய சாதனையையும் படைத்துள்ளது.

தோஹாவில் நடைபெற்று வரும் 15வது ஆசிய விளையாட்டுப் போட்டியில் நேற்று இந்திய அணிக்கு முக்கியநாளாக அமைந்தது. கபடிப் போட்டியின் இறுதி ஆட்டத்தில் இந்தியா, பரம எதிரியான பாகிஸ்தானை சந்தித்தது.

மிகவும் விறுவிறுப்பாக நடந்த இந்த ஆட்டத்தில் இந்திய வீரர்கள் படு திறமையாக ஆடி பாகிஸ்தானைதிணறடித்தனர். ஆட்ட நேர இறுதியில், 35க்கு 22 என்ற புள்ளிக் கணக்கில் இந்தியா பாகிஸ்தானை வீழ்த்தி தங்கப்பதக்கத்தை வென்றது.

கபடிப் போட்டியில் இந்தியா தங்கம் வெல்வது இது தொடர்ச்சியான ஐந்தாவது முறையாகும். இது ஒரு புதியசாதனை. தனது சுற்று ஆட்டங்கள் அத்தனையிலும் இந்தியா வென்றிருந்தது குறிப்பிடத்தக்கது.