தீவிரவாதிகள்ஹிட் லிஸ்ட்: 3வது இடத்தில் தாஜ்

டெல்லி:தீவிரவாதிகளின் ஹிட் லிஸ்ட்டில் தாஜ்மஹால் 3வது இடத்தில் உள்ளது. முதல் இடத்தில் மும்பை தாரப்பூர் அணுமின் நிலையம் உள்ளது.

இந்தியாவின் பொருளாதார முக்கியத்துவம் வாய்ந்த, சுற்றுலா முக்கியத்துவம் வாய்ந்த உள் கட்டமைப்புகள்,இடங்கள் மீது தாக்குதல் நடத்தி இந்தியாவை நிலைகுலைய வைக்க தீவிரவாதிகள் திட்டமிட்டுள்ளதாக மத்தியஉளவுத்துறைக்குத் தகவல்கள் கிடைத்துள்ளன.

இந்தியாவின் முக்கியமான 10 இடங்கள் பட்டியலை தீவிரவாதிகள் தயாரித்திருப்பதாகவும், அவற்றைபடிப்படியாக தாக்க திட்டமிட்டுள்ளதாகவும் மத்திய உளவுத்துறைக்குத் தகவல் கிடைத்துள்ளது.

இதையடுத்து அனைத்து மாநில அரசுகளும் உஷார்படுத்தப்பட்டுள்ளன. தீவிரவாதிகளின் டாப் டென் பட்டியலில்மும்பை தாராப்பூர் அணு மின் நிலையம் மற்றும் நாட்டின் பிற அணு மின் நிலையங்கள் முதலிடத்தில் உள்ளன.நாடாளுமன்றம் 2 வது இடத்தில் உள்ளது. தாஜ்மஹால் 3வது இடத்தில் இருக்கிறது.

காசி விஸ்வநாதர் கோவில் 4வது இடத்திலும், அயோத்தியில் உள்ள சர்ச்சைக்குரிய இடம் 5வது இடத்திலும்உள்ளன.

தலைவர்களைப் பொறுத்தவரை சோனியா காந்தியை முதலிடத்தில் வைத்துள்ளனர். பிரதமர் மன்மோகன் சிங்,குடியரசுத் தலைவர் அப்துல் கலாம், ராகுல்காந்தி, எல்.கே.அத்வானி ஆகியோர் அடுத்தடுத்த இடங்களில்உள்ளனர்.

கடந்த மாதம் பாதுகாப்புப் படையினரிடம் சிக்கிய தீவிரவாதிகள் மூலம் இந்தத் தகவல் தெரிய வந்துள்ளது.இதைத் தொடர்ந்து நாடு முழுவதும் முக்கியத் தலங்கள், அணு மின் நிலையங்கள், விமான நிலையங்களுக்குபாதுகாப்புகள் அதிகரிக்கப்பட்டுள்ளன.