நடிகர், நடிகைகளுக்கு சேவை வரி-மத்திய அரசு

டெல்லி:சேவை வரி விதிப்புப் பட்டியலில் நடிகர், நடிகையர், டாக்டர்கள், வக்கீல்கள் ஆகியோரை சேர்க்க மத்தியநிதித்துறை முடிவு செய்துள்ளது.

உற்பத்திப் பொருட்களுக்கு தற்போது மத்திய அரசு 4 சதவீத விற்பனை வரியை விதித்து வருகிறது. தற்போதுபெரும்பாலான மாநிலங்களில் மதிப்புக் கூட்டிய வரி (வாட்) அமலில் இருப்பதால் தற்போதைய விற்பனை வரிவிகிதத்தை 2010-11ம் நிதியாண்டில் முற்றிலுமாக நீக்க மத்திய அரசு முடிவு செய்துள்ளது.

மேலும் புதிதாக 43 பிரிவினருக்கு சேவை வரி விதிக்கவும் மத்திய அரசு முடிவு செய்துள்ளது. அதன்படி நடிகர்,நடிகையர், டாக்டர்கள், வக்கீல்கள், விளையாட்டு வீரர்கள் ஆகியோரை சேவை வரி விதிப்பின் கீழ் கொண்டு வரமத்திய அரசு திட்டமிட்டுள்ளது.

இந்த வரி வருவாய் மூலம் கிடைக்கும் தொகையை மாநில அரசுகளுக்ப் பகிர்ந்தளிக்க மத்திய அரசு முடிவுசெய்துள்ளது.

மத்திய நிதியமைச்சகம் மற்றும் மாநில நிதி அமைச்சர்களுக்கிடையே நடந்த ஆலோசனைக் கூட்டத்தில் இந்தமுடிவு எடுக்கப்பட்டது.

இதன் மூலம் நடிகர், நடிகைகள் வருமான வரி போக சேவை வரியும் இனிமேல் கட்ட வேண்டியது வரும்.