ஒரு படி முன்னேறினார் சானியா மிர்ஸா!

டெல்லி:சர்வதேச மகளிர் டென்னிஸ் தரப் பட்டியலில் சானியா மிர்ஸா ஒரு படி முன்னேறி 65வது இடத்திற்குஉயர்ந்துள்ளார்.

20 வயதாகும் இந்தியாவின் சானியா மிர்ஸா சர்வதேச டென்னிஸ் அரங்கில் கடந்த 2005ம் ஆண்டு மிகச்சிறப்பான அறிமுகத்தைப் பெற்றார். அந்த ஆண்டு அக்டோபர் மாதம் அவர் உலக தர வரிசைப் பட்டியலில்31வது இடத்திற்கு முன்னேறி இந்தியாவுக்கு பெருமை சேர்த்தார்.

ஆனால் கடந்த ஆண்டு அவர் பல போட்டிகளில் தொடர் தோல்வியை சந்தித்தார். ஆண்டு இறுதியில் அவர்66வது ரேங்குக்குத் தள்ளப்பட்டார்.

இந்த ஆண்டு சிறப்பாக விளையாடி இழந்த பெருமையை மீட்பேன் என சானியா உறுதி அளித்திருந்தார். இதைநிரூபிப்பது போல கடந்த வாரம் ஆஸ்திரேலியாவின் பெர்த் நகரில் தொடங்கிய ஹாப்மேன் டென்னிஸ்போட்டியின் கலப்பு இரட்டையர் பிரிவு ஆட்டங்களில் அபாரமாக ஆடினார் சானியா.

அவரும் இந்தியாவின் ரோகன் போபண்ணாவும் இணைந்து அரை இறுதிப் போட்டி வரை முன்னேறினர். அரைஇறுதியில் ஸ்வீடனிடம் சானியா-போபண்ணா ஜோடி தோல்வியுற்றது. இருப்பினும் சுற்றுப் போட்டிகளில் செக்,குரோஷிய அணிகளை அபாரமாக வீழ்த்தியது சானியா ஜோடி.

ஹாப்மேன் டென்னிஸ் தொட>ல் சானியா சிறப்பாக விளையாடியதால் தர வரிசையில் ஒரு படி முன்னேறி 65வதுஇடத்திற்கு உயர்ந்துள்ளார். இந்த வாரம் சானியா ஹோபர்ட் சர்வதேச போட்டியில் பங்கேற்கிறார். இதையடுத்து15ம் தேதி தொடங்கும் ஆஸ்திரேலிய ஓபன் போட்டியிலும் அவர் கலந்து கொள்கிறார்.

மற்ற இந்திய வீராங்கனைகளான ஷிகா ஓபராய் 2 இடங்கள் சறுக்கி 208வது இடத்திற்கு பின்னேறியுள்ளார்.அங்கிதா பாம்ப்பிர 414வது இடத்திலும், இஷா லக்கானி 422வது இடத்திலும், ருஷ்மி சக்கரவர்த்தி 423வதுஇடத்திலும் உள்ளனர்.

மகளிர் டென்னிஸ் தர வரிசையில் பெல்ஜியம் வீராங்கனை ஜஸ்டின் ஹெனின் முதலிடத்தில் உள்ளார். 2வதுஇடத்தில் மரியா ஷரபோவாவும், 3வது இடத்தில் பிரான்ஸின் அமலி மரீஸ்மோவும் உள்ளனர்.