பிஸ்டலை போஸ்டர் அடித்து தேடும் எஸ்ஐ

சின்ன சேலம்:சின்னசேலம் அருகே துப்பாக்கியை தொலைத்த சப் இன்ஸ்பெக்டர் ஆட்டோவில்ஒலிபெருக்கி வைத்தும், போஸ்டர் அடித்தும் தேடி அலைந்து வருகிறார்.

சின்ன சேலம் அருகே உள்ள நல்லாண்பிள்ளை பெற்றாள் காவல் நிலைய சப்இன்ஸ்பெக்டர் வெங்கடேசன். கடந்த மாதம் பேருந்தில் சென்றபோது தனதுதுப்பாக்கியைத் தொலைத்து விட்டார்.

அந்த்த துப்பாக்கி சின்ன சேலம் பகுதியில் தான் சிலரிடம் சிக்கியுள்ளதாக அவருக்குத்தகவல் கிடைத்தது. இதையடுத்து அவரும், சக போலீஸாரும் அப்பகுதியில் தீவிரதேடல் வேட்டையில் இறங்கியுள்ளனர்.

துப்பாக்கியைக் கண்டுபிடித்துத் தருபவர்களுக்கு ரூ. 10 ஆயிரம் பரிசும்அறிவிக்கப்பட்டுள்ளது. துப்பாக்கியைக் கண்டுபிடிக்க தனிப்படையும்அமைக்கப்பட்டுள்ளது.

வெங்கடேசனும் தன் பங்குக்கு துப்பாக்கியைத் தேடும் முயற்சியில் இறங்கியுள்ளார்.சொந்தப் பணத்தைப் போட்டு போஸ்டர்கள் அடித்தும், துண்டுப் பிரசுரங்களைஅச்சடித்தும் விநியோகித்துள்ளார். ஆட்டோவில் ஒலிபெருக்கியைக் கட்டியும் அவர்துப்பாக்கியைத் தேடி வருகிறார்.