கால்நடைகளுக்கு நுழைவுக் கட்டணம் ரத்து

சென்னை:தமிழக அரசின் கால்நடை மருத்துவமனைகளில், சிகிச்சைக்காக வரும் கால்நடைகளுக்கான நுழைவுக் கட்டணம்மற்றும் சிகிச்சை கட்டணத்தை ரத்து செய்து முதல்வர் கருணாநிதி உத்தரவிட்டுள்ளார்.

இதுதொடர்பாக தமிழக அரசு வெளியிட்டுள்ள செய்திக்குறிப்பு:

தமிழக அரசின் கால்நடை மருத்துவமனைகளில் சிகிச்சைக்காக கொண்டு வரப்படும் கால்நடைகளுக்குமருத்துவமனை நுழைவுக் கட்டணமாக 5 ரூபாயும், சிகிச்சைக் கட்டணமாக 5 ரூபாயும் வசூலிக்கப்பட்டு வருகிறது.

கடந்த 1993ம் ஆண்டு அதிமுக ஆட்சியில் இந்தக் கட்டண முறை அமல்படுத்தப்பட்டது. பின்னர் வந்த திமுகஆட்சியில் அது 1996ம் ஆண்டு ரத்து செய்யப்பட்டது.

இருப்பினும் மறுபடியும் கடந்த அதிமுக ஆட்சியில் இந்தக் கட்டண முறை மீண்டும் கொண்டு வரப்பட்டது.தற்போது இந்த கட்டணத்தை நீக்க முதல்வர் கருணாநிதி உத்தரவிட்டுள்ளதாக தெரிவிக்கப்பட்டுள்ளது.