தமிழ் ஹோம் வீடியோ துறையில் மோசெர் பெர்!

சென்னை:உலகின் 2வது மிகப் பெரிய ஆப்டிகல் ஸ்டோரேஜ் தயாரிப்பு நிறுவனமான மோசெர் பெர் (Moser Baer) தமிழகத்தில்ஹோம் வீடியோ துறையில் காலடி எடுத்து வைத்துள்ளது.

முதல்கட்டமாக 101 தமிழ் படங்களின் டிவிடி, விசிடிக்களை விற்பனைக்கு வெளியிட்டுள்ளது.

சென்னையில் நடந்த நிகழ்ச்சியில் இந்த டிவிடிக்களை நடிகர் கமல்ஹாசன் வெளியிட்டார். தமிழகம் முழுவதும்முக்கியமான ரீடைல் கடைகளில் இந்த டிவிடி, விசிடிக்கள் கிடைக்கும்.

நிகழ்ச்சியில் பேசிய மோசெர் பெர் நிறுவனத்தின் பொழுதுபோக்கு வர்த்தகப் பிரிவின் தலைமை செயல் அதிகாரிஹரிஷ் தயானி, தயாரிப்பாளர்களின் முறையாக அனுமதியோடு இந்த சிடி, டிவிடிக்கள் வெளியிடப்படும். மிகச்சிறப்பான வீடியோ தரம் கொண்டவையாக இவை இருக்கும். அதே நேரத்தில் விலையும் குறைவாகவேஇருக்கும்.

இந்த நிறுவனத்தின் இந்திய நிர்வாக இயக்குனர் ரிதுல் பூரி பேசுகையில், தமிழகத்தில் 41 வினியோகஸ்தர்களைநியமித்துள்ளோம். இதன் மூலம் 7,000க்கும் அதிகமான கடைகளில் எங்கள் டிவிடி, சிடிக்கள் கிடைக்கும்.

இந்திய மொழிகளில் தயாரான சுமார் 7,000 படங்களின் காப்பிரைட் உரிமையை வாங்க பேச்சுவார்த்தை நடத்திவருகிறோம். பேச்சு இறுதிக் கட்டத்தில் உள்ளது என்றார்.

இந்தியாவில் 26 மில்லியன் டிவிடி, விசிடி உபயோகிப்பாளர்கள் உள்ளதாகவும், இது ஆண்டுதோறும் 25 சதவீதம்வளர்ச்சி அடைந்து வருவதாகவும் ஆய்வு ஒன்றில் தெரியவந்துள்ளது.