பஸ் டிரைவருக்கு கலெக்டர் உருவில் வந்த ஏழரை

புதுக்கோட்டை:புதுக்கோட்டை கலெக்டரின் காருக்கு வழிவிடாமல் சென்ற தனியார் பஸ் டிரைவர் மீதுபல்வேறு பிரிவுகளில் வழக்குகள் பதிவு செய்யப்பட்டன.

புதுக்கோட்டையில் இருந்து திருச்சிக்கு பி.எல்.ஏ. என்ற தனியார் பஸ் புது பஸ்ஸ்டாண்டிலிருந்து கிளம்பியது. பஸ் ஸ்டாண்டை விட்டு வெளியே வந்த இந்த பஸ்சைபின்தொடர்ந்து அலுவலகத்துக்கு செல்வதற்காக கலெக்டர் எஸ்.ஜே.சிருவின் கார்வந்து சென்றது.

பயணிகளை ஏற்றுவதற்காக பஸ்ஸை நடு ரோட்டில் நிறுத்தினார் பஸ் டிரைவர்சண்முகம் (வயது 35). இதையடுத்து பஸ்சை முந்தி செல்வதற்காக கலெக்டரின் கார்டிரைவர் பல முறை ஹாரன் அடித்தார்.

ஆனால், அதை காதிலேயே வாங்காத சண்முகம் பஸ்ஸை நகர்த்தவே இல்லை.இருந்தாலும் கலெக்டர் பொறுமை காத்தார். பின்னர் ஒரு வழியாக பஸ் கிளம்பியது.அப்போதும் கலெக்டரின் காருக்கு வழி விடாமல் நடு ரோட்டில் பஸ் சென்றது.

ஒரு மீட்டிங் விஷயமாக அவசரமாக போக வேண்டிய நிலையில் கலெக்டர்இருந்ததால், அவரது கார் டிரைவர் தொடர்ந்து ஹாரன் அடித்து முந்திச் செல்ல வழிகேட்டார். ஆனால், பஸ் டிரைவர் வழி விடவே இல்லை.

கிட்டத்தட்ட 2 கி.மீ. வரை கலெக்டரின் காருக்கு வழி விடாமல் ஜகா தந்தவாரேசென்றார்.

ஒரு வழியாக அரசு மகளிர் கல்லூரி ரவுண்டானா அருகில் பஸ்சை தாண்டியதுகலெக்டரின் கார். இதையடுத்து பஸ்ஸை வழிமறித்து காரை நிறுத்தச் சொன்னார்கலெக்டர்.

சிவப்பு லைட் சுழல் கார் தனது பஸ்ஸை வழி மறித்ததைப் பார்த்து அதிர்ந்த சண்முகம்பஸ்சிலிருந்து இறங்கி கலெக்டரிடம் ஓடி வந்தார்.

அவரிடம் லைசன்சை காண்பிக்குமாறு கலெக்டர் கேட்க, அது இல்ல சார், எங்க பஸ்ஓனர்கிட்ட இருக்கு என்றார். ஒரிஜினல் இல்லாவிட்டால் பரவாயில்லை, ஜெராக்ஸைகாட்டு என்று கலெக்டர் கேட்க, அதுவும் இல்ல சார் என்று வழிந்தார்.

இதையடுத்து மாவட்ட போக்குவரத்து அதிகாரியை (ஆர்டிஓ) செல்போனில் பிடித்தகலெக்டர் உடனே நடவடிக்கை எடுக்க உத்தரவிட்டார்.

சிறிது நேரத்தில் ஸ்பாட்டுக்கு வந்ச ஆ.டி.ஓ. ராஜ்குமார், பஸ் டிரைவரிடம் விசாரணைமேற்கொண்டார். பின்னர் போக்குவரத்து போலீசாரை வரவழைத்து அவர் மீதுநடவடிக்கை எடுக்க உத்தரவிட்டார்.

இதையடுத்து சண்முகம் பல பிரிவுகளில் வழக்குகள் பதிவு செய்யப்பட்டன.

இவ்வளவு சங்காத்தம் நடந்தபோது டிரைவர் இல்லாமல் பயணிகளுடன் பஸ்நடுரோட்டில் நின்று கொண்டிருந்தது.

இதையடுத்து மாற்று டிரைவர் வந்து பஸ்ஸையும் பயணிகளையும் மீட்டுச் சென்றார்.