ஈரானுக்கு ரஷ்ய விமான எதிர்ப்பு ஏவுகணைகள்!

மாஸ்கோ:ஈரானுக்கு அதி நவீன விமான எதிர்ப்பு ஏவுகணைகளை ரஷ்யா வழங்கியுள்ளது.மேலும் ஈரானின் தற்காப்புக்காக கூடுதலாக ஆயுதங்கள் வழங்கவும் தயாராகஇருப்பதாக ரஷ்ய பாதுகாப்பு அமைச்சர் செர்கெய் இவானோவ் தெரிவித்துள்ளார்.

இதற்கு அமெரிக்கா கடும் எதிர்ப்பு தெரிவித்துள்ளது. அணு ஆயுத தயாரிப்பில் ஈரான்ஈடுபட்டுள்ளதாகக் கூறி அந் நாட்டின் மீது ராணுவ தொழில்நுட்பத் தடைகளை ஐ.நா.மூலம் பிறப்பித்தது அமெரிக்கா.

இருப்பினும் அணு ஆயுதத் தயாரிப்பு தொடர்பான உதவிகளைப் பெற மட்டுமேஈரானுக்கு இந்தத் தடை இடைஞ்சலாக உள்ளது.

இஸ்ரேலுடன் இணைந்து ஈரானின் அணு ஆராய்ச்சி மையங்களைத் தாக்க அமெரிக்காதிட்டமிட்டுள்ளதாகக் கூறப்படும் நிலையில் ஈரானுக்கு விமான எதிர்ப்பு ஏவுகணைகளைவழங்கியுள்ளது ரஷ்யா. மாஸ்கோவில் செய்தியாளர்களிடம் பேசிய இவானோவ்இதுகுறித்துக் கூறுகையில்,

அதி நவீன குறுகிய தொலைவு விமான எதிர்ப்பு டிஓஆர்-எம்1 ரக ஏவுகணைகளைஈரானுக்கு வழங்கியுள்ளோம்.

ஆயுதங்கள் வாங்குவதற்கு ஈரானுக்கு எந்தத் தடையும் இல்லை. ஆயுதங்களைஈரானுக்குக் கொடுக்கவும் எந்தத் தடையும் இல்லை. எனவேதான் ஈரானுக்கு நாங்கள்ஏவுகணைகளைக் கொடுத்துள்ளோம். இதில் தவறு ஒன்றும் இல்லை.

ஈரான் தனது பாதுகாப்பு படையை பலப்படுத்த விரும்புகிறது. அதற்கு நாங்கள்உதவுவோம். தற்போது கொடுத்துள்ள ஏவுகணைகள் தவிர கூடுதலாக ஆயுதங்கள்கேட்டால் அதையும் ரஷியா நிறைவேற்றும் என்றார் இவனோவ்.

ரஷ்யாவிடமிருந்து 1 பில்லியன் டாலர் மதிப்பிலான ஏவுகணைகள் உள்ளிட்டஆயுதங்களை வாங்க ஈரான் ஒப்பந்தம் செய்துள்ளது. அதன் ஒரு பகுதியாகவே முதல்கட்டமாக ஏவுகணைகளை அனுப்பி வைத்துள்ளது ரஷ்யா.

ரஷ்யாவின் இந்த செயலுக்கு அமெரிக்காவும், இஸ்ரேலும் கடும் கண்டனம்தெரிவித்துள்ளன. ரஷ்யாவிடமிருந்து வாங்கும் ஆயுதங்களைக் கொண்டு அண்டைநாடுகளை ஈரான் தாக்க்க கூடிய வாய்ப்புகள் உள்ளதாக இரு நாடுகளும் குற்றம்சாட்டியுள்ளன.

ஈரான் மீதான ஐ.நா. தடைக்கு ஆரம்பத்தில் ரஷியா கடும் எதிர்ப்பு தெரிவித்தது. இந்ததடையில் பல திருத்தங்களை அது தெரிவித்தது. வேறு வழியில்லாமல் இந்ததிருத்தங்களை அமெரிக்கா ஏற்றுக் கொண்டது. அதன் பிறகே ரஷ்யா தடைதீர்மானத்திற்கு ஆதரவு தெரிவித்தது நினைவிருக்கலாம்.

ஈரானுக்கான ஏவுகணை உதவி குறித்து ரஷ்ய பாதுகாப்பு அதிகாரிகள்தெரிவிக்கையில், வான்வெளித் தாக்குதலிலிருந்து தன்னைக் காத்துக் கொள்ளஈரானுக்கு இந்த ஏவுகணைகள் உதவும். இதன் மூலம் அண்டை நாடுகளை ஈரான்தாக்கும் என்று கணிப்பது தவறானது என்றனர்.

கடந்த ஆண்டு எஸ்.300 ரக நீண்ட தொலைவு விமான எதிர்ப்பு ஏவுகணைகளைஈரானுக்கு ரஷ்யா தருவதாக இருந்தது. ஆனால் அதை கடைசி நேரத்தில் வாபஸ்பெற்றுக் கொண்டது.

இதற்கிடையே, ரஷ்யாவைச் சேர்ந்த நான்கு ஆயுத ஏற்றுமதி நிறுவனங்கள்ஈரானுக்கும், சிரியாவுக்கும் ஆயுதங்களை கொடுப்பதற்கு அமெரிக்கா தடைவிதித்துள்ளது. இதற்கு ரஷ்யா கடும் கண்டனம் தெரிவித்துள்ளது.