திமுக தொண்டருக்கு அடி: வி.ஏ.ஓ கைது

மேட்டூர்:திமுக தொண்டரை தாக்கியதாக கிராம நிர்வாக அதிகாரி கைது செய்யப்பட்டார்.

சேலம் மாவட்டம் மேட்டூர் கிராம நிர்வாக அதிகாரியாக இருப்பவர் கலைக்கோவன். நேற்று இரவு 8 மணியளவில்இவர் குடிபோதையில் வந்துள்ளார்.

அப்போது இவருக்கும் திமுகவைச் சேர்ந்த முருகன் என்பவருக்கும் வாக்குவாதம் ஏற்பட்டகது. ஏற்கனவேஇருவருக்கும் இடையே முன் விரோதம் இருந்ததாகவும் கூறப்படுகிறது.

இந் நிலையில் முருகனிடம் வாக்குவாதத்தில் ஈடுபட்ட கலைக்கோவன் தகராறு முற்றியதில் முருகனை அடித்து,உதைத்தார். மேலும கொலை செய்வதாகவும் மிரட்டியுள்ளார்.

இதையடுத்து முருகன் கொடுத்த புகாரின் பேரில் கலைக்கோவனை போலீஸார் கைது செய்து சிறையில்அடைத்தனர்.