ஆண்களுக்கு ஆபத்து விளக்கால் குடிசைகளில் தீ!!

சென்னை:சிம்ம லக்னத்திலிருந்து சூரியன் மகர ராசிக்கு இடம் பெயர்ந்ததால் ஆண்கலுக்கு ஆபத்து என்று கிளம்பியவதந்தியைத் தொடர்ந்து வைக்கப்பட்ட அகல் விளக்கிலிருந்து பரவிய தீயால் சென்னையில் 12 குடிசை வீடுகள்எரிந்து சாம்பலாயின.

தை 1ம் தேதியன்று சிம்ம லக்னத்திலிருந்து சூரியன் மகர ராசிக்கு இடம் பெயர்ந்ததால் குடும்பத்தில் உள்ளஆண்களுக்கு ஆபத்து என தமிழகம் மற்றும் புதுவையில் நேற்று வதந்தி பரவியது.

இதையடுத்து வீட்டில் உள்ள ஆண்களின் எண்ணிக்கைக்கு ஏற்ப அகல் விளக்குகளை பெண்கள் வீட்டு வாசலில்பொருத்தி வைத்தனர். சென்னை கொடுங்கையூரில் உள்ள கடும்பாடி அம்மன் கோவில் தெருவைச் சேர்நத்ஜக்கம்மா, பாண்டியம்மாள், ஈஸ்வரி உள்ளிட்டோரும் தங்களது குடிசை வீடுகளுக்கு முன் அகல் விளக்குகளைவைத்தனர்.

அப்போது ஜக்கம்மாவின் வீட்டு முன் வைக்கப்பட்ட அகல் விளக்கிலிருந்து கிளம்பிய தீப்பொறி குடிசையில்பற்றிக் கொண்டது. மளமளவென அருகில் இருந்த குடிசைகளுக்கும் தீ பரவியது.

இதில் கோபால் என்பவரின் குடிசையில் இருந்த சிலிண்டர் வெடித்து பெரும் தீ விபத்தாக மாறியது. கோபால்குடும்பத்தினர் குடிசைக்குள் சிக்கிக் கொண்டனர்.

தீயணைப்புப் படையினர் விரைந்து வந்து கோபால் குடும்பத்தினரை பத்திரமாக மீட்டனர். இந்த விபத்தில் 12குடிசைகள் கருகி சாம்பலாயின. ரூ. 2 லட்சம் மதிப்புள்ள பொருட்களுக்கு சேதம் ஏற்பட்டது.