செல்போன் ரோமிங் கட்டணம் 56% குறைப்பு

டெல்லி :நாடு முழுவதும் செல்போன் ரோமிங் கட்டணம் 56 சதவீதம் குறைக்கப்படுகிறது, பிப்ரவரி 15 ம் தேதி முதல் இதுஅமுலுக்கு வருகிறது.

செல்போன் கட்டணங்கள் அவ்வப்போது குறைக்கப்பட்டு வருகிறது. ஆனால் ரோமிங் கட்டணம்குறைக்கப்படாமல் இருந்தது. இப்போது இதற்கான நடவடிக்கையை மத்திய தொலைதொடர்பு ஒழுங்குமுறைஆணையம் எடுத்துள்ளது.

செல்போன் ரோமிங் கட்டணம் 56 சதவீதம் குறைக்கப்பட்டுள்ளது. ரோமிங்கில் எஸ்டிடி அழைப்பு கட்டணம் ரூ.2.40 ஆகவும், இன்-கமிங் கட்டணம் ரூ. 1.75 ஆகவும் குறைக்கப்பட்டுள்ளது. அதே போல் இன்-கமிங்எஸ்.எம்.எஸ்களுக்கு கட்டணம் அடியோடு ரத்து செய்யப்படுகிறது.

இது அனைத்து வகையான போஸ்ட் பெய்ட் மற்றும் பிரீ பெய்ட் திட்டங்களுக்கும் பொருந்தும். இத்துடன்ரோமிங்குக்கான மாத வாடகை கட்டணமும் ரத்து செய்யப்படுகிறது. இதன் மூலம் ரோமிங்கில் சிக்னல் கட்டணம்,அடிசனல் சார்ஜ் என்று பல பெயர்களில் இனி பணம் பிடுங்குவது நிற்கும்.

இந்தத் திட்டம் பிப்ரவரி 15ம் தேதி முதல் அமலுக்கு வருகிறது, இதன் மூலம் மாநிலங்களுக்கிடையே வர்த்தகம்மேம்பாடு அடையும் என எதிர்ப்பார்க்கப்படுகிறது.

சமீபத்தில் நடந்த வர்த்தக சபை மாநாட்டில் பேசிய தொலைத் தொடர்புத்துறை அமைச்சர் தயாநிதி மாறன்,சர்வதேச தரத்துக்கு இணையாக இந்தியாவிலும் ரோமிங் கட்டணத்தை குறைக்க வேண்டும் என வலியுறுத்தியதுகுறிப்பிடத்தக்கது.