மீனாட்சி கோவில்: விரிசல் சீரமைப்பு தொடக்கம்

மதுரை:மதுரை மீனாட்சி அம்மன் கோவிலில் ஏற்பட்டுள்ள விரிசல்களை சரி செய்யும் பணி இன்று பூமி பூஜையுடன்தொடங்கியது.

உலகப் புகழ் பெற்ற மதுரை மீனாட்சி அம்மன் கோவிலில் பல இடங்களில் விரிசல் ஏற்பட்டது பக்தர்களிடையேபெரும் அதிர்ச்சியையும், கவலையையும் ஏற்படுத்தியது.

இதையடுத்து விரிசல்களை சரி செய்ய முதல்வர் கருணாநிதி உத்தரவிட்டார். இதைத் தொடர்ந்து இன்று பூமிபூஜையுடன் விரிசல் சரி செய்யும் பணி தொடங்கப்பட்டது.

முத்தையா ஸ்தபதி முன்னிலையில் பூமி பூஜை நடந்தது. முதல் கட்டமாக மீனாட்சி அம்மன் சன்னதிநுழைவாயிலில் உள்ள நாயக்கர் மண்டபத்தின் மேல் உத்தரக் கல்லில் ஏற்பட்டுள்ள விரிசல் ரூ. 8 லட்சம் செலவில்சரி செய்யப்படவுள்ளது.

பக்தர்களுக்கு சிரமம் ஏற்படாத வகையில், விரிசலை சரி செய்யும் பணிகள் நடைபெறும் என முத்தையா ஸ்தபதிதெரிவித்தார்.