கோகுல இந்திரா பதவியை பறித்த ஜெ!

சென்னை:சிவகங்கை மாவட்ட அதிமுக மகளிர் அணி செயலாளர் பொறுப்பில் இருந்து கோகுல இந்திரா எம்பிநீக்கப்பட்டுள்ளதாக அதிமுக பொதுச்செயலாளர் ஜெயலலிதா தெரிவித்துள்ளார்.

இதுகுறித்து அவர் விடுத்துள்ள அறிக்கையில்,

சிவகங்கை மாவட்ட மகளிர் அணி செயலாளர் பொறுப்பில் இருந்து வந்த கோகுல இந்திரா எம்.பி இன்று முதல்அந்த பொறுப்பில் இருந்து விடுவிக்கப்படுகிறார். ஏற்கனவே அவர் வகித்து வரும் அதிமுக அமைப்பு செயலாளர்பொறுப்பில் தொடர்ந்து செயலாற்றுவார்.

இதுபோல பெரம்பலூர் மாவட்டம் அரியலூர் ஒன்றிய அதிமுக செயலாளர் பொறுப்பில் இருக்கும்வெங்கடாசலம், வேப்பந்தட்டை ஒன்றிய கழக செயலாளர் பொறுப்பில் இருக்கும் கந்தசாமி ஆகியோரும் இன்றுமுதல் அவரவர் வகித்து வரும் பொறுப்புகளில் இருந்து விடுவிக்கப்படுகிறார்கள் என்று கூறியுள்ளார்.