நம்ம எம்பி மாதிரி இருக்காதீங்க..:கிரிக்கெட் வீரர்களுக்கு சோம்நாத் அட்வைஸ்

டெல்லி:நமது எம்.பிக்கள் மாதிரி ஒழுங்கீனமாக இல்லாமல், சிறப்பாக விளையாடி வெற்றியுடன் நாடு திரும்ப வேண்டும் என இந்திய கிரிக்கெட் அணிக்குசபாநாயகர் சோம்நாத் சாட்டர்ஜி அறிவுரை கூறியுள்ளார்.

நாடாளுமன்ற மக்களவையில் உலகக் கோப்பைக் கிரிக்கெட் போட்டியில் பங்கேற்பதற்காக மேற்கு இந்தியத் தீவுகளுக்குச் சென்றுள்ள இந்தியஅணிக்கு வாழ்த்து தெரிவிக்கப்பட்டது.

உறுப்பினர்களின் வாழ்த்துக்களுக்குப் பிறகு சபாநாயகர் சோம்நாத் சாட்டர்ஜி பேசுகையில், நமது வீரர்களுக்கு ஒரு அறிவுரை. தயவு செய்துஎங்களை (எம்.பிக்கள்) பின்பற்றி நடக்காதீர்கள். நமது எம்.பிக்களிடம் இல்லாத ஒழுங்குமுறையை உங்களிடம் காண விரும்புகிறேன்.

ஒழுங்கீனத்தை சுத்தமாக கைவிட்டு விட்டு சிறப்பாக ஆடி கோப்பையுடன் நாடு திரும்ப வாழ்த்துகிறேன் என்றார் சோம்நாத் சாட்டர்ஜி.

இதேபோல, துப்பாக்கிச் சுடும் போட்டியில் பங்கேற்பதற்காக சென்றுள்ள காங்கிரஸ் எம்.பியும், தொழிலதிபருமான நவீன் ஜிண்டால், பலபதக்கங்களைக் குவிக்கவும் சோம்நாத் சாட்டர்ஜி வாழ்த்து தெரிவித்தார்.