இட ஒதுக்கீடு: டெல்லியில் தமுமுக பேரணி

டெல்லி:முஸ்லீம்களுக்கு கல்வி மற்றும் அரசு வேலை வாய்ப்பில் இட ஒதுக்கீடு வழங்கக் கோரி டெல்லியில் தமிழகமுஸ்லீம் முன்னேற்றக் கழகம் சார்பில் மாபெரும் பேரணி நடைபெற்றது.

த.மு.மு.க., அகில இந்திய ஐக்கிய முஸ்லீம் முன்னணி, தலித் முஸ்லீம் விடுதலை இயக்கம் ஆகியவை இணைந்துடெல்லியில் இந்தப் பேரணியை நடத்தின. தமிழகத்திலிருந்து பெருமளவில் வந்திருந்த தமுமுகவினர் இந்தபேரணியில் அணிவகுத்து வந்தனர்.

ராம்லீலா மைதானத்திலிருந்து நாடாளுமன்றம் நோக்கி பேரணி நடத்தப்படும் என அறிவிக்கப்பட்டிருந்தது.இருப்பினும் ஜந்தர்மந்தர் பகுதியுடன் பேரணி தடுத்து நிறுத்தப்பட்டது.

சச்சார் கமிட்டியின் பரிந்துரைகளை முழுமையாக அமல்படுத்த வேண்டும், மத்திய, மாநில அரசுத் துறைகளிலும்,கல்வியிலும் முஸ்லீம்களுக்கு தனி இட ஒதுக்கீடு வழங்க வேண்டும் என்று கோரி ஊர்வலத்தில் சென்றவர்கள்கோஷமிட்டனர்.