இன்றைய மோதல்: ஆஸி.-ஹாலந்து; இங்.-கனடா

பாசட்டெரே:உலகக் கோப்பைப் போட்டியில் ஆஸ்திரேலியாயும், ஹாலந்தும் இன்று மோதுகின்றன. இன்னொரு போட்டியில் இங்கிலாந்தும், கனடாவும்சந்திக்கவுள்ளன.

உலகக் கோப்பைக் கிரிக்கெட் போட்டி விறுவிறுப்பான கட்டத்தை எட்டியுள்ளது. போட்டியிலிருந்து முதல் அணியாக பாகிஸ்தான்வெளியேறியுள்ளது. இந்த உலகக் கோப்பைப் போட்டியின் முதல் அதிர்ச்சி இதுதான்.

இந்த நிலையில் இன்றைய போட்டிகளில் ஆஸ்திரேலியா, ஹாலந்தையும், இங்கிலாந்து கனடாவையும் எதிர்கொள்கின்றன.

முதல் போட்டியில் ஸ்காட்லாந்து அணியை ஆஸ்திரேலியா வென்றுள்ளது. ஹாலந்துடனான போட்டி அந்த அணிக்கு 2வது போட்டியாகும். இந்தப்போட்டியிலும் ஆஸ்திரேலியா அசத்தலாக வெற்றி பெறும்.

இரு அணிகளும் இதற்கு முந்தைய உலகக் கோப்பைப் போட்டிகளில் ஒரு முறை சந்தித்துள்ளன. கடந்த உலகக் கோப்பையில் ஹாலந்தை 75 ரன்கள்வித்தியாசத்தில் ஆஸ்திரேலியா தோற்கடித்தது.

இன்றையப் போட்டியில் பல சாதனைகளை நிகழ்த்தும் ஆஸ்திரேலியா என நம்பலாம். அதிரடி வீரர் கில்கிறைஸ்ட் தனது 10 ஆயிரமாவது ரன்னைஇந்தப் போட்டியில் எடுக்கக் காத்துள்ளார்.

மற்றொரு போட்டியில் இங்கிலாந்தும், கனடாவும் மோதுகின்றன. இங்கிலாந்து ஏற்கனவே நியூசிலாந்துக்கு எதிராக படுதோல்வியைச் சந்தித்துஇக்கட்டான நிலையில் உள்ளது. கனடாவும் ஏற்கனவே கென்யாவுடன் மோதி தோற்றுள்ளது.

இன்றைய போட்டியில் இங்கிலாந்து வெற்றி பெற்றால்தான் சூப்பர் 8 சுற்றுக்குத் தகுதி பெற முடியும்.

இங்கிலாந்தும், கனடாவும் கடந்த 1979ம் ஆண்டு நடந்த உலகக் கோப்பைப் போட்டியில் மோதியுள்ளன. அப்போட்டியில் 45 ரன்களில் கனடாவைசுருட்டிது இங்கிலாந்து. பின்னர் 8 விக்கெட் வித்தியாசத்தில் வெற்றி பெற்றது.

இன்றைய போட்டியிலும் கனடாவை துவம்சம் செய்து வெற்றிக் கணக்கைத் தொடங்க இங்கிலாந்து ஆயத்தமாகி வருகிறது.

இன்றை இரு போட்டிகளும் பெரிய அளவில் எதிர்பார்ப்பு இல்லாதவை எனலாம்.