பாஜக to

சென்னை:மறைந்த மத்திய அமைச்சர் வாழப்பாடி ராமமூர்த்தியின் மகன் ராம. சுகந்தன், காங்கிரஸ் கட்சியில் இணைந்துள்ளார்.

மறைந்த வாழப்பாடி ராமமூர்த்தியின் மகன் ராம.சுகந்தன். தந்தையின் மறைவுக்குப் பின்னர் தீவிர அரசியலுக்கு வந்தார். பாஜகவில் இணைந்த அவர்அகில இந்திய பாஜக இளைஞர் அணி செயலாளராக நியமிக்கப்பட்டார்.

இருப்பினும் தமிழக அளவில் அவரால் பெரிய அளவில் ஒளிர முடியவில்லை. இதனால் சத்தமில்லாத அரசியல்வாதியாக இருந்து வந்த சுகந்தன்தற்போது பாஜகவிலிருந்து விலகி காங்கிரஸில் இணைந்துள்ளார்.

இதுகுறித்து அவர் வெளியிட்டுள்ள அறிக்கையில், கடந்த மாதம் பாஜகவில் வகித்து வந்த பதவியை ராஜினாமா செய்து விட்டேன். டெல்லியில்காங்கிரஸ் தலைவர் சோனியா காந்தியை சந்தித்து அவர் முன்னிலையில் காங்கிரஸில் இணைந்து விட்டேன்.

என்னுடன் முன்னாள் எம்.பி. கலியபெருமாள் உள்ளிட்ட 50க்கும் மேற்பட்டோரும் காங்கிரஸில் இணைந்தனர் என்று கூறியுள்ளார்.