5 வது இடத்துக்கு சறுக்கினார் டோணி

ஜார்ஜ் டவுன்: சர்வதேச கிரிக்கெட் கவுன்சிலின் (ஐ.சி.சி.) ஒரு நாள் கிரிக்கெட் தர வரிசையில் இந்திய வீரர் டோணி, 5வது இடத்துக்குப் பின்னேறியுள்ளார்.

உலகக் கோப்பைப் போட்டியில இந்தியா 2 போட்டிகளில் தோல்வியைத் தழுவியதால் தர வரிசைப் பட்டியலில் இந்தியாவுக்கு சறுக்கல் ஏற்பட்டுள்ளது.

இதுவரை 2 வது இடத்தில் இருந்த இந்திய வீரர் டோணி 5 வது இடத்திற்கு தள்ளப்பட்டுள்ளார். டிராவிட் 12வது இடத்திலும், யுவராஜ்சிங் 17வது இடத்திலும் உள்ளனர். முதல் பத்து இடங்களுக்குள் டோணி மட்டுமே உள்ளார்.

பேட்டிங் வரிசையில், இங்கிலாந்தின் கெவின் பீட்டர்சன் முதல் இடத்தை பிடித்துள்ளார். முதல் முறையாக அவர் நம்பர் ஒன் இடத்துக்கு வந்துள்ளார். உலகக் கோப்பைப் போட்டியில், முதல் சுற்று ஆட்டங்களில் இவர் 121 ரன்கள் எடுத்துள்ளார்.

2005ம் ஆண்டு இங்கிலாந்து வீரர் மார்க்கஸ் டிரஸ்கோதிக் முதல் இடத்தில் இருந்தார். அதன் பின்னர் இங்கிலாந்துலிருந்து யாரும் முதலிடத்திற்கு முன்னேறவில்லை என்பது குறிப்பிடத்தக்கது.

இரண்டாவது இடத்தில் ஆஸ்திரேலிய கேப்டன் ரிக்கி பாண்டிங் இருக்கிறார். ஆஸ்திரேலிய வீரர் ஹுசே 2வது இடத்திலிருந்து 3வது இடத்திற்கு தள்ளப்பட்டுள்ளார். 4வது இடத்தில் இலங்கையின் சங்ககராவும், 5வது இடத்தில் தென் ஆப்ரிக்க கேப்டன் ஸ்மித்தும் உள்ளனர்.

பந்து வீச்சாளர்கள் வரிசையில் தென் ஆப்ரிக்க வீரர் ஷான் போலாக் தொடர்ந்து முதலிடத்தில் ருக்கிறார். 2வது இடத்தில் இலங்கையின் முரளீதரன், நியூசிலாந்து வீரர் ஷான் பாண்ட்டும் உள்ளனர்.

இந்தியாவின் ஹர்பஜன்சிங் 13வது இடத்தில் இருக்கிறார். முதல் பத்து இடங்களில் ஒரு இந்திய பந்து வீச்சாளரும் இல்லை என்பது குறிப்பிடத்தக்கது.

டாப் 10 பேட்ஸ்மென்களில் டோணியைத் தவிர மற்ற அனைவருமே சூப்பர் 8 சுற்றில் விளையாடுகின்றனர் என்பது இந்தியாவுக்கு வந்த இன்னொரு அவமானம்.