சுமங்கலிக்கு போட்டியாக ராஜ் டிவியின் கேபிள் நொட்வோர்க்- சன் டிவிக்கு இன்னொரு அடி

சென்னை:கலைஞர் டிவிக்கு மத்திய செய்தி ஒளிபரப்புத்துறை அமைச்சகம் உரிமமும் அனுமதியும் வழங்கியுள்ளது. இத் தகவலை ராஜ் டிவியின் நிர்வாக இயக்குனர் ராஜேந்திரன் தெரிவித்தார்.

திமுகவில் இணைந்துள்ள அவர் நிருபர்களிடம் பேசுகையில், ராஜ் டிவியின் தொடங்கவுள்ள 11 புதிய சேனல்களில் கலைஞர் டிவியும் ஒன்றாக இருக்கும். இந்த சேனல் குறித்த பிற விவரங்களை இப்போது வெளியிட முடியாது.

விரைவில் தமிழகத்தில் கேபிள் நெட்வொர்கையும் தொடங்கவுள்ளோம் என்றார்.

சன் டிவி குழுமத்தின் சுமங்கலி கேபிள் விஷன் நெட்வோர்க்குக்கு போட்டியாக ராஜ் டிவியின் இந்த நெட்வோர்க் இருக்கும் என்று தெரிகிறது.

இதனால் சன் டிவி குழுமத்துக்கு இன்னொரு வகையிலும் திமுக நெருக்கடி தந்துள்ளது.