• search
For Quick Alerts
ALLOW NOTIFICATIONS  
For Daily Alerts

பெரியார்-மாணவர்களுக்கு கட்டண சலுகை

By Staff
|

சென்னை: பெரியார் படத்தை மாணவர்கள் பார்க்க வசதியாக, கட்டணத்தில் பாதி மட்டுமே வசூலிக்கப்படும் என பள்ளிக் கல்வித் துறை அமைச்சர் தங்கம் தென்னரசு அறிவித்துள்ளார்.

இதுகுறித்து அவர் கூறுகையில்,

அனைத்து மாணவர்களுக்கும் பெரியார் படத்தை பார்க்க 50 சதவீதம் கட்டண சலுகை வழங்கப்படும் என அரசாணை வெளியிடப்பட்டுள்ளது.

Satyaraj in Periyar

இதற்கான ஏற்பாடுகளை கல்வித்துறை செய்து வருகிறது. எனது தலைமையில் நடைபெற்ற கல்வி அதிகாரிகள் கூட்டத்தில், மாவட்ட முதன்மை கல்வி அதிகாரிகள், பள்ளி தலைமை ஆசிரியர்கள் மாணவர்களை அழைத்து செல்வதற்கான நடவடிக்கைகளை மேற்கொள்ளவேண்டும் என அறிவுறுத்தப்பட்டுள்ளது.

பள்ளிகளுக்கு அருகில் உள்ள தியேட்டரில் பெரியார் படம் திரையிடப்பட்டிருந்தால் மாணவர்கள் அழைத்து செல்லப்படுவார். அப்படி இல்லை என்றாலும், சிறப்பு காட்சிகள் ஏற்பாடு செய்யப்படும்.

தமிழகம் முழுவதும் ஒரே கட்டணம் நிர்ணயிக்கப்பட்டுள்ளது. அதில் 50 சதவீத கட்டணத்தை மட்டும் மாணவர்கள் செலுத்தினால் போதும்.

தமி்ழக அரசின் கட்டுபாட்டில் இயங்கும் மாநில அரசு பள்ளிகள், மெட்ரிகுலேசன் பள்ளிகளில் 10ம் வகுப்பு முடித்துவிட்டு 11ம் வகுப்பில் எந்த வித தேர்வும் இல்லாமல் இடம் தரவேண்டும். அதற்குரிய அரசு உத்தரவு வெளியிடப்பட்டுள்ளது.

இந்த ஆண்டு முதல் உயர்நிலைப்பள்ளிகளில் யோகா வகுப்புகள் தனியாக பாட நேரம் ஒதுக்கப்பட்டு நடத்தப்படும்.

அங்கீகாரம் பெறாத நர்சரி பள்ளிகள் குறித்து கணக்கெடுப்பு நடந்து வருகிறது. இந்த நர்சரிகளில் குழந்தைகளை சேர்க்க வேண்டாம் என பெற்றோர்களுக்கு விழிப்புணர்வு ஏற்படுத்தப்பட்டு வருகிறது என்றார் அவர்.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X