நியூயார்க் டைம்ஸ் ஸ்கொயரில் மர்மப் பொருளால்பெரும் பீதி: ஸ்கொயர் மூடல்

நியூயார்க்:மர்மப் பொருள் காரணமாக நியூயார்க் நகரில் உள்ள டைம்ஸ் ஸ்கொயர் பகுதியில் பெரும் பீதி நிலவியது. இதையடுத்து அந்த இடத்தின் ஒரு பகுதியை போலீஸார் மூடி விட்டனர்.

நியூயார்க் நகரின் மையத்தில் உள்ளது டைம்ஸ் ஸ்கொயர். இங்கு இன்று சிவப்பு நிற பை ஒன்று மர்மமான முறையில் கிடந்தது. அந்தப் பையில் வெடிகுண்டு இருக்கலாம் என்று சந்தேகம் பரவியதால், அப்பகுதியில் பெரும் பரபரப்பு ஏற்பட்டது.

உடனடியாக விரைந்து வந்த போலீஸார், ராய்ட்டர் செய்தி நிறுவனம் உள்ள இடம் மற்றும் 7வது அவென்யூவில் உள்ள பல பகுதிகளை உடனடியாக மூடி விட்டனர்.

பின்னர் அந்தப் பை மிகுந்த கவனத்துடன் சோதனைக்கு எடுத்துச் செல்லப்பட்டது.