ஸ்டான்போர்ட்: இரட்டையர் கோப்பையை வென்றார் சானியா

ஸ்டான்போர்ட்:அமெரிக்காவில் நடைபெற்றுவரும் பாங்க ஆப் வெஸ்ட் கிளாசிக் டென்னிஸ் போட்டியில் இரட்டையர் பட்டைத்தை சானியா மிர்சா-சாகர்பீர் ஜோடி வென்றது.

ஒற்றையர் போட்டியில் சானியா சாம்பியன் பட்டத்தை வெல்வார் என எதிர்பார்க்கப்பட்டது. ஆனால் ரஷ்யா வீராங்கனை அன்னா சக்வெடாட்சேவிடம் 6-3, 6-2 என்ற செட் கணக்கில் தோல்வியடைந்தார்.

இந் நிலையில் இரட்டையர் பிரிவில் அபாரமாக விளையாடினார் சானியார்.

இரட்டையர் இறுதிச் சுற்றில் சானியா மிர்சா இஸ்ரேல் நாட்டு வீராங்கனையான சாகர்பீர் உடன் ஜோடி சேர்ந்து 6-4, 7-6 என்ற செட் கணக்கில் விக்டோரியா அஸ்ரென்கா-சக்வெடாட்சே ஜோடியை வென்றார்.

இதன் மூலம் இரட்டையர் பட்டத்தை சானியா ஜோடி கைப்பற்றியது.