இரட்டையர் போட்டியிலும் சானியா தோல்வி

லாஸ் ஏஞ்சல்ஸ்:லாஸ் ஏஞ்சல்ஸ் நகரில் நடைபெறும் ஈஸ்ட் வெஸ்ட் பாங்க் கிளாசிக் போட்டியின் இரட்டையர் காலிறுதி போட்டியில் சானியா ஜோடி தோல்வியை தழுவியது.

பெண்கள் இரட்டையர் பிரிவின் காலிறுதி போட்டியில் சானியா மிர்சா, அமெரிக்காவின் பெத்தனி மாட்டெக் ஜோடி, ஆஸ்திரேலியாவின் ரென்னி ஸ்டப்ஸ் மற்றும் செக் குடியரசின் க்வேடா ஜோடியை எதிர்த்து விளையாடியது.

இதில் இந்திய-அமெரிக்க ஜோடியை 6-7, 4-6 என்ற நேர் செட்டில் ஆஸ்திரேலியா-செக் குடியரசு ஜோடி தோற்கடித்தது.

இதற்கு முந்தைய ஒற்றையர் போட்டியில் காலிறுதிக்கு முந்தைய சுற்றில் பிரான்ஸ் நாட்டு வீராங்கனையான விர்ஜீனியிடம் 6-1, 7-6 என்ற செட் கணக்கில் சானியா தோல்வியடைந்தது நினைவிருக்கலாம்.

அடுத்து நடைபெற இருக்கும் அமெரிக்க ஓபன் டென்னிஸ் போட்டியில் சானியா வெற்றி வாகை சூடுவார் என நம்புவோமாக.