வாஜ்பாய் உடல் நிலை முன்னேற்றம்-தொடர்ந்து மருத்துவமனையில்

டெல்லி:முன்னாள் பிரதமர் வாஜ்பாய் உடல் நிலை தேறி வருகிறது. இன்றும் மருத்துவமனையிலேயே உள்ள அவர் நாளை வீடு திரும்புவார் என அறிவிக்கப்பட்டுள்ளது.

நேற்று திடீரென தலைசுற்றல் ஏற்பட்டதையடுத்து அகில இந்திய மருத்துவ அறிவியல் கழக மருத்துவமனையில் அவர் சேர்க்கப்பட்டார்.

இந் நிலையில் இன்று நிருபர்களிடம் பேசிய மருத்துவமனையின் செய்தித் தொடர்பாளர் சக்தி குப்தா,

அவரது உடல் நிலை சீராக உள்ளது. அவரால் உணவு உட்கொள்ள முடிகிறது.லை சிற்றுண்டியை அவர் உண்டார். தொடர்ந்து அவருக்கு பரிசோதனைகள் நடந்து வருகின்றன. இன்றும் அவர் மருத்துவமனையிலேயே இருப்பார் என்றார்.

நாளை அவர் டிஸ்சார்ஜ் செய்யப்படுவார் எனத் தெரிகிறது.